| e-texts navigator |
| Wylie |
357a1 ངས་སྔོནས་སོའི་སྐྱེ་བའི་དུས་ན་ཀུན་ཏུ་བརྟེན་ཅིང་བསྒོམས་ཏེ་ལན་མང་དུ་བྱས་པ་དེ་ལྟར་བསྟན་པར་བྱའོ།། རིགས་ཀྱི་བུ་འདས་པའི་དུས་ན་སྔོན་བྱུང
357a2 པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྣང་བ་བསམ་གྱིས་མི་ཁྱབ་པ་ཞེས་བྱ་བ་བཞུགས་ཏེ། འཚོ་ཞིང་གཞེས་ལ་ཆོས་ཀྱང་སྟོན་ཏོ།། དེའི་དུ་སེ་ན
357a3 ཁྱིམ་བདག་དྲག་ཤུལ་ཅན་གྱིས་བྱིན་ཞེས་བྱ་བ་ཞིག་ཤིན་ཏུ་མ་དད་ཅིང་ཡིད་དུ་མི་འོང་བའི་ཆོས་ལྔ་དང་ལྡན་ཞིང་ཆོས་འདུལ་བ་ལ་རྒྱབ་ཀྱིས་ཕྱོགས་སོ།། དགེ་སློང་རྣམ་པར་རྒྱལ་བ་འབྱུང་བ
357a4 ཞེས་བྱ་བ་ཞིག་ཁྱིམ་བདག་དེ་ལ་སྙིང་བརྩེ་བའི་ཕྱིར་ཡང་དང་ཡང་དུ་རྒྱུན་མི་འཆད་པར་ཁྱིམ་བདག་དེའི་ཁྱིམ་དུ་འགྲོའོ།། རེ་ཞིག་མ་སངས་རྒྱས་ཀྱི་མཐུས་ཁྱིམ་བདག་དེ་དགེ་སློང་དེ་ལ་རྗེས་སུ་ཆགས
357a5 པ་དང་བཅས་པའི་སེམས་སུ་གྱུར་ནས། རེ་ཞིག་ན་ཁྱིམ་བདག་དེས་ལེགས་པར་བྱ་བའི་ལས་ཀྱི་འབྲས་བུ་དྲིས་སོ།། དེ་ནས་དགེ་སློང་དེས་སྐྱེ་བ་མང་པོ་ལ་ཕན་པའི་ཕྱིར་དང་། སྐྱེ་བོ་མང་པོ་ལ་བདེ་བའི
357a6 ཕྱིར་དང་། འཇིག་རྟེན་ལ་སྟོང་བརྩེ་བའི་ཕྱིར་དང་། ལྷ་དང་མི་རྣམས་ཀྱི་སྐྱེ་བོ་ཕལ་པོ་ཆེའི་དོན་དང་། ཕན་པ་དང་། བདེ་བའི་ཕྱིར་ཁྱིམ་བདག་དེ་ལ་དཀྱིལ་འཁོར་བརྒྱད་ཅེས་པའི་ཆོས་ཀྱི་རྣམ
357a7 གྲངས་བསྟན་ཏེ། ཁྱིམ་བདག་དཀྱིལ་འཁོར་བརྒྱད་ཅེས་བྱ་བའི་ཆོས་ཀྱི་རྣམ་གྲངས་གང་ཞེ་ན། བདེ་བ་ཐམས་ཅད་སྦྱིན་པར་བྱེད་པའོ།། དེས་འཁོར་ཕུན་སུམ་ཚོགས་པ་འཐོབ་པར་འགྱུར་ཏེ།།
iiif viewer powered by OpenSeadragon
