| e-texts navigator |
| Wylie |
352a1 པར་འགྱུར་བ་དེ་ནི་གནས་མེད་དོ།། སྨོན་ལམ་གྱི་དབང་གིས་ལེན་པ་ནི་མ་གཏོགས་སོ།། ཤཱ་རིའི་བུ་གནས་མ་ཡིན་ཞིང་གོ་སྐབས་མེད་དེ། ཤཱ་རིའི་བུ་རིགས་ཀྱི་བུ་འམ། རིགས
352a2 ཀྱི་བུ་མ་གང་སངས་རྒྱས་བཅོམ་ལྡན་འདས་དེ་དག་གི་མཚན་ཉན་པ་དང་། འཛིན་པ་དང་། འཆང་བ་དང་། ཀློག་པ་དང་། སྟོན་པ་དང་། རབ་ཏུ་འདོན་པ་དང་། ཀུན་ཆུབ་པར་བྱེད་ན།
352a3 རིགས་ཀྱི་བུ་འམ། རིགས་ཀྱི་བུ་མོ་དེ་རྒྱལ་པོས་འཇིགས་པར་འགྱུར་བ་འམ། རྐུན་པོས་སམ། མེས་ས་ས། ཚུས་ལ། མ་རུངས་པས་སམ། ཀླུས་སམ། གནོད་སྦྱིན་གྱིས་སམ། དྲི་ཟས
352a4 སམ། ལྷ་མ་ཡིན་གྱིས་སམ། མིས་སམ། མི་མ་ཡིན་པས་འཇིག་པར་འགྱུར་བ་འམ། གང་གིས་ཀྱང་གླགས་རྙེད་པར་འགྱུར་བ་དེ་ནི་གནས་མེད་དོ།། ལས་ཀྱི་རྣམ་པར་སྨིན་པ་དྲག་པ་ནི་མ
352a5 གཏོགས་ཏེ། དེ་ཡང་ཆུང་ངུ་མྱོང་ཞིང་མང་དུ་མྱོང་བར་མི་འགྱུར་རོ།། དེ་འཇིག་རྟེན་པ་འམ། འཇིག་རྟེན་ལས་འདས་པའི་དོན་གང་ཙེ་རྩོམ་ཡང་རུང་སྟེ། དེ་དགེ་བའི་ཆོས་རྣམས་འཕེལ
352a6 པ་ཉིད་དུ་འགྱུར་གྱི། འགྲིབ་པར་མི་འགྱུར་བར་རེ་བར་བྱའོ།། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ།། འཇིག་རྟེན་མགོན་པོ་དེ་དག་གི
352a7 མཚན་རྣམས་འཛིན་པར་བྱེད་པ་ནི།། མི་ཁོམ་ཐམས་ཅད་ཡོངས་སྤངས་ནས།། མྱུར་དུ་བཟང་འགྲོར་འགྲོ་བར་འགྱུར།། སངས་རྒྱས་འབྱུང་བ་མཉེས་བྱས་ནས།། སྟོན་པ་དེ་མཐོང་དད་བྱེད་ཅིང་།།
iiif viewer powered by OpenSeadragon
