| e-texts navigator |
| Wylie |
272b1 མི་དགའ་བར་གྱུར་ནས། བཅོམ་ལྡན་འདས་ག་ལ་བ་དེར་སོང་སྟེ། ཕྱིན་ནས་བཅོམ་ལྡན་འདས་ཀྱིས་ཞབས་ལ་མགོ་བོས་ཕྱག་འཚལ་ཏེ། ཕྱོགས་ཅིག་ཏུ་འདུག་གོ།། ཕྱོགས་གཅིག་ཏུ།
272b2 འདུག་ནས། ལྷ་དེས་དེའི་ཚེ་ཚིགས་སུ་བཅད་དེ་གསོལ་པ། ཀུན་ལས་རྣམ་པར་རབ་འགྲོལ་བའི།། སངས་རྒྱས་དཔའ་བོ་ཁྱོད་ཕྱག་འཚལ།། གནོད་པ་དག་དང་ཕྲད་གྱུར་པ།། བདག་གི་སྐྱབ
272b3 ནི་མཛད་པར་གསོལ།། འཇིག་རྟེན་དག་དགྲ་བདེ་གཤེགས་དཔལ།། ཟླ་བ་སྐྱབས་སུ་མཆི་ལགས་ཀྱིས།། སངས་རྒྱས་འཇིག་རྟེན་ཐུགས་བརྩེ་རྣམས།། ཟླ་བ་ཐར་མཛོད་སྒྲ་གཅན་ལས།
272b4 བཅོམ་ལྡན་འདས་ཀྱིས་བཀའ་སྩལ་པ།། སྒྲ་གཅན་ཟླ་བ་མུན་སེལ་བ།། ནམ་མཁའ་དག་ལས་འོད་བྱེད་ཅིང་།། ལམ་མེར་འདུག་ལ་དཀར་བ་དང་།། རྣམ་པར་དག་པའི་འོད་ལྡན་པ།། བར
272b5 སྣ་དག་ལ་མ་བཟུང་བར།། སྐྱེས་བགུའི་སྒྲོན་དེ་མྱུར་དུ་ཐོང་།། དེ་ནས་རིངས་བཞིན་སྒྲ་གཅན་དེ།། ལུས་ནི་རྡུལ་ཅིང་སྐྲག་གྱུར་ལ།། ནད་པ་བཞིན་དུ་བརྟད་པ་ཡིས།། ཟླ་བ་རྣམ་པར་བཏོང
272b6 བར་བྱེད།། དེ་ནས་རྣམ་པར་སྣང་བྱེད་ཀྱི་བུ་ཆེན་པོས་ལྷ་མ་ཡིན་དབང་པོ་སྒྲ་གཅན། རིངས་པ་ལས་ཀྱང་རིངས་པར་ཟླ་བའི་དཀྱིལ་འཁོར་གཏོང་བ་མཐོང་ངོ་།། མཐོང་ནས།
272b7 ཀྱང་དེའི་ཚེ་ཚིགས་སུ་བཅད་དེ་སྨྲས་པ། ཅི་ཡི་ཕྱིར་ན་སྒྲ་གཅན་ཁྱོད།། ལུས་ཀྱང་རྡུལ་ཞིང་སྐྲག་གྱུར་ལ།། ནད་པ་བཞིན་དུ་བརྟད་པ་ཡིས།། རིངས་པར་ཟླ་བ་བཏོང་བར་བྱེད།།
iiif viewer powered by OpenSeadragon
