| e-texts navigator |
| Wylie |
272a1 ཕྱིར་ཆོས་ཀྱིས་རྣམ་གྲངས་འདི་ནི་རྒྱུའི་དྲ་བ་ཞེས་བྱ་བར་ཡང་ཟུང་ཤིག། དོན་གྱི་དྲ་བ་དང་། ཆོས་ཀྱི་དྲ་བ་དང་། ཚངས་པའི་དྲ་བ་ཞེས་བྱ་བར་ཡང་ཟུང་།
272a2 ཤིག། དེ་བས་ན་ཚངས་པའི་དྲ་བ་ཞེས་བྱ་བ་འདི་ནི། ཆོས་ཀྱི་རྣམ་གྲངས་འདིའི་ཚིག་བླ་དགས་སོ།། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ
272a3 དག་བཅོམ་ལྡན་འདས་ཀྱིས་གསུངས་པ་ལ་ཡི་རངས་ཏེ་མངོན་པར་བསྟོད་དོ།། བར་གྱི་སྡོམ་ནི། རྟག་དང་གཅིག་པུ་རྒྱུ་མེད་དང་། མཐའ་ལྡན་དེ་བཞིན་ལྷ་མི་སྤོངས
272a4 འདུ་ཤེས་འདུ་ཤེས་མེད་ཅན་དང་།། ཆད་དང་མྱ་ངན་ལས་འདས་པ་དང་།། དམྱགས་དང་ཀུན་ནས་རྨོངས་པ་དང་།། རྟེན་དང་རེག་པ་དགེ་སློང་དང་།། རྒྱུ་དང་དོན་ཆོས་འདྲ་བ་སྟེ།། ཐ་མ
272a5 ཚངས་པའི་དྲ་བའོ།། ཚངས་པའི་དྲ་བ་རྫོགས་སོ།། རྒྱ་གར་སྐད་དུ། ཙནྡ་སཱུ་ཏྲ། བོད་སྐད་དུ། ཟླ་བའི་མདོ། དཀོན
272a6 མཆོག་གསུམ་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ཡུལ་ཙམ་པ་ཅན་ན། འགྲོ་བ་པོའི་རྫིང་བུའི་འགྲམ་ན་བཞུགས་ཏེ། དེའི་ཚེ་ལྷ་མ་ཡིན
272a7 གྱི་དབང་པོ་སྒྲ་གཅན་གྱིས་ཟླ་བའི་དཀྱིལ་འཁོར་ཐམས་ཅད་འོད་ཀྱིས་བཀའ་བར་འགྱུར་ཏོ།། དེ་ནས་ཟླ་བའི་དཀྱིལ་འཁོར་ན་གནས་པའི་ལྷ་གང་ཡིན་པ་དེ་སྐྲག་ཅིང་སྔངས་ལ
iiif viewer powered by OpenSeadragon
