| e-texts navigator |
| Wylie |
271b1 དེ་ཡང་རེག་པའི་རྐྱེན་ལས་བྱུང་བར་སྲིད་ཀྱི། རེག་པ་ལས་བྱུང་བ་ལས་གཞན་པའི་ཚོར་བར་འགྱུར་བ་འདི་ནི་གནས་མེད་དོ།། དགེ་སློང་དག་གིས་གང་ཚུན་ཆད་རེག་པའི་སྐྱེ་མཆེད་དྲུག་པོ་དག་ནི།
271b2 ཀུན་འབྱུང་བ་ནུབ་པ་དང་། རོ་མྱང་བ་དང་། ཉེས་དམིགས་ཡང་དག་པ་ཇི་ལྟ་བཞིན་ཁོང་དུ་ཆུད་པ་འདི་ནི་འདི་ལྷ་ལྷག་པར་ཡང་དག་པར་ཇི་ལྟ་བཞིན་ཁུང་དུ་ཆུད་པ་ཡིན་ནོ།། དགེ་སློང་དག་དེ་ལ
271b3 གང་ཟག་པ་ཀུན་ནས་ཉོན་མོངས་པ་ཅན། ཡང་སྲིད་པ་པ། རིམས་ནད་དང་བཅས་པ། སྡུག་བསྔལ་རྣམ་པར་སྨིན་པ་ཚེ་ཕྱི་མའི་རྒ་ཤིའི་རྗེས་སུ་མཐུན་པ་དེ་དག་དེ་བཞིན་གཤེགས་པ་སྤངས
271b4 ཤིང་ཡོངས་སུ་མཁྱེན་ལ། ཤིང་ཏ་ལའི་མགོ་བཞིན་རྩ་བ་ནས་བཅད་དེ། འགྲོ་བ་སྣང་བ་མེད་པ་སྟེ། ཕྱི་མ་ལ་མི་སྐྱེ་བའི་ཆོས་ཅན་དུ་འགྱུར་རོ།། ཆོས་ཀྱི་རྣམ་གྲངས་འདི་བཤད་པ་ན། སྟོང
271b5 གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རྣམ་པ་གསུམ་དུ་གཡོས། རབ་ཏུ་གཡོས། ཀུན་ཏུ་རབ་ཏུ་གཡོས་སོ།། འགུལ། རབ་ཏུ་འགུལ། ཀུན་ཏུ་རབ་ཏུ་འགུལ
271b6 ལྡེག་རབ་ཏུ་ལྡེག། ཀུན་ཏུ་ལྡེག། ཀུན་ཏུ་རབ་ཏུ་ལྡེག་གོ།། དེའི་ཚེ་ཚེ་དང་ལྡན་པ་ཀུན་དགའ་བོ་བཅོམ་ལྡན་འདས་ཀྱི་སྣམ་ལོགས་ན་འདུག་ཅིང་བསིལ་ཡབ་ཐོགས་ནས། བཅོམ
271b7 ལྡན་འདས་ལ་གཡོག་ཅིང་། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཙུན་པ་ཆོས་ཀྱི་རྣམ་གྲངས་འདིའི་མིང་ཅི་ལགས། ཇི་ལྟར་གཟུང་བར་བགྱི། ཀུན་དགའ་བོ་དེའི
iiif viewer powered by OpenSeadragon
