| e-texts navigator |
| Wylie |
270b1 པ་དག་ལས་ཡོངས་སུ་གྲོལ་བ་མ་ཡིན་ནོ།། དགེ་སློང་དག་དཔེར་ན་ཉ་པ་འམ་ཉ་པའི་སློབ་མ་མཁས་པ་དག་གིས་རྒྱུ་མིག་ཕྲག་མོ་ཐོགས་ཏེ། ལྟེང་ཀའི་ཆུ་ཆུང་ངུ་བཅུས་པ་ན་དེ་སྲོག་ཆགས་གང
270b2 རགས་པ་ཆེ་ལོང་རྣམས་ཀྱིས་གྱེན་དུ་དམྱགས་སུ་ཟིན་ཀྱང་། དེ་ཐམས་ཅད་ཆུའི་ནང་ན་གནས་པས་ཉ་པའི་དབང་དུ་སོང་ཞིང་ལག་ཏུ་སོང་པ་སྟེ། ཉ་པས་ཅི་དགའ་དགུར་བྱ་བའི་ཡིན་པར་རིག་པར་བྱའོ།། །
270b3 དེ་བཞིན་དུ་དགེ་སྦྱོང་དང་བྲམ་ཟེ་གང་ཁ་ཅིག་སྔོན་གྱི་མཐའ་ལ་རྟོག་ཅིང་། སྔོན་གྱི་མཐའ་ལ་གནས་པ་ལྟ་བར་སོང་བ་རྣམས་དང་། ཕྱི་མའི་མཐའ་ལ་རྟོག་ཅིང་ཕྱི་མའི་མཐའ་ལ་གནས་པ་ལྟ་བར་སོང
270b4 བ་རྣམས་ཀྱིས་ཀྱང་གྱེན་དུ་དམྱགས་སུ་ཟིན་ཀྱང་། དེ་ཐམས་ཅད་ལྟ་བའི་ཆུའི་ནང་ན་འདུག་པས་བདུད་སྡིག་ཅན་གྱི་དབང་དུ་སོང་ཞིང་ལག་ཏུ་སོང་སྟེ། བདུད་སྡིག་ཅན་གྱིས་ཅི་དགའ་དགུར་བྱ་བ་དག་གོ།
270b5 དགེ་སློང་དག་དགེ་སྦྱོང་དང་བྲམ་ཟེ་གང་དེ་དག་སྔོན་གྱི་མཐའ་ལ་རྟོག་ཅིང་རྟག་པར་སྨྲ་བ་དག་བདག་དང་འཇིག་རྟེན་རྟག་གོ་ཞེས་མངོན་པར་བརྗོད་པ་ནི་འདི་ལྟ་སྟེ། གཞི་གཞི་པོ་དག་ལ་སྟེ། དགེ་སྦྱོང
270b6 དང་བྲམ་ཟེ་གང་དེ་དག་ཕྱི་མའི་མཐའ་ལ་རྟོག་ཅིང་ཞེས་བྱ་བ་ནི་མཐོང་བའི་ཆོས་ལ་མྱ་ངན་ལས་འདས་པར་སྨྲ་བ་དག་མཐོང་བའི་ཆོས་ལ་མྱ་ངན་ལས་འདས་པར་མངོན་པར་སྨྲ་ཞིང་མངོན་པར
270b7 བརྗོད་པ་ནི་གཞི་གཞི་པོ་དག་ལ་སྟེ་ཞེས་བྱ་བའི་བར་དུའོ།། དགེ་སྦྱོང་དང་བྲམ་ཟེ་མཁས་པ་མ་ཡིན་ཞིང་མ་རིག་པར་འགྱུར་བ་བག་མེད་ཅིང་རྨོངས་པ་ལ་གནས་པ་དེ་དག་ལ་རིག་པར་བྱ་སྟེ།
iiif viewer powered by OpenSeadragon
