| e-texts navigator |
| Wylie |
270a1 ཅིང་ཕྱི་མའི་མཐའ་ལ་གནས་པ་ལྟ་བར་སོང་བ་དག་མངོན་པར་སྨྲ་ཞིང་མངོན་པར་བརྗོད་པ་ཐམས་ཅད་ཀྱང་ལྟ་བར་སོང་བ་དྲུག་ཅུ་རྩ་གཉིས་པོ་འདི་དག་ལ་སྟེ།
270a2 དེ་ལས་མི་ལྷག་མི་མང་ལ། དེ་དག་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་དེ་ལས་ལྷག་པར་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ།། དེ་ལྟར་ན་།
270a3 བར་སོང་བ་འདི་དག་འདི་ལྟར་འཛིན་པ་དང་། འདི་ལྟར་ལེན་པ་དང་། འདི་ལྟར་སྤྱོད་པ་དང་། འགྲོ་བ་ནི་འདི་ལྟ་བུའོ།། སྐྱེ་བ་ནི་འདི་ལྟ་བུའོ།། ཚེ་ཕྱི་མ་ནི་འདི་ལྟ་བུའོ་ཞེས་དེ་བཞིན
270a4 གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ།། དེ་ལས་ལྷག་པར་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ནས་ཀྱང་མཆོག་ཏུ་མི་འཛིན་ཏོ།། མཆོག་ཏུ་མི་འཛིན་པས་བདག་ཉིད
270a5 མྱ་ངན་ལས་འདས་པར་རིག་ནས། ཚོར་བ་རྣམས་ཀུན་འབྱུང་བ་ནུབ་པར་ཐུགས་སུ་ཆུད་དེ་འདི་ནི་སྡུག་བསྔལ་ལོ།། འདི་ནི་སྡུག་བསྔལ་ངེས་པར་འབྱིན་པའོ་ཞེས་བྱ་བར་མཁྱེན་ཏོ།། དགེ་སློང
270a6 དག་དགེ་སྦྱོང་དང་བྲམ་ཟེ་གང་དེ་དག་སྔོན་གྱི་མཐའ་ལ་རྟོག་ཅིང་སྔོན་གྱི་མཐའ་ལ་གནས་པ་ལྟ་བར་སོང་བ་རྣམས་དང་། ཕྱི་མའི་མཐའ་ལ་རྟོག་ཅིང་ཕྱི་མའི་མཐའ་ལ་གནས་པ་ལྟ་བར་སོང་བ་རྣམས
270a7 ཀྱིས་གྱེན་དུ་དམིགས་སུ་ཟིན་ཀྱང་། དེ་ཐམས་ཅད་ལྟ་བའི་ཆུའི་ནང་ན་འདུག་པས་བདུད་སྡིག་ཅན་གྱི་དབང་དུ་སོང་ཞིང་ལག་ཏུ་སོང་བ་སྟེ། བདུད་སྡིག་ཅན་གྱིས་ཅི་དགའ་དགུར་བྱ་བ་བདུད་ཀྱི་ཞགས
iiif viewer powered by OpenSeadragon
