| e-texts navigator |
| Wylie |
269a1 དག་ཀྱང་གང་ཞེ་ན་ཞེས་བྱ་བ་དག་སྔ་མ་བཞིན་ནོ།། དགེ་སློང་དག་དགེ་སྦྱོང་དང་བྲམ་ཟེ་ཁ་ཅིག་འདི་ལྟར་ལྟ་ཞིང་འདི་སྐད་དུ་སྨྲ་བ་དག་ཡོད་དེ་གང་གི་ཚེ
269a2 བདག་འདོད་པའི་ཡོན་ཏན་ལྔ་འབྱོར་པར་གྱུར་ཅིང་རྩེ་དགའ་ཡོངས་སུ་སྤྱོད་པ་དེ་ཙམ་གྱིས་ན། བདག་འདི་མཐོང་བའི་ཆོས་ལ་མྱ་ངན་ལས་འདས་པ་ཐོབ་པ་ཡིན་ནོ།། གང་གི
269a3 ཚེ་བདག་འདོད་པ་དག་ལས་དབེན་ཞིང་བསམ་གཏན་གཞི་བའི་བར་དུ་རྫོགས་པར་བྱས་ཏེ་གནས་པ་དེ་ཙམ་གྱིས་ན་བདག་འདི་མཐོང་བའི་ཆོས་ལ་མྱ་ངན་ལས་འདས་པ་ཐོབ་པ་ཡིན་ནོ།།
269a4 ཞེས་བྱ་བ་འདི་ནི་གཞི་ལྔ་པའོ།། ཅི་ལ་རྟེན་ཅིང་ཅི་ལ་གནས་ནས་ཅི་ལ་གནས་བཅས་ཏེ། ཕྱི་མའི་མཐའ་ལ་རྟོག་ཅིང་མཐོང་བའི་ཆོས་ལ་མྱ་ངན་ལས་འདས་པར་མངོན་པར་སྨྲ
269a5 བ་དག། མཐོང་བའི་ཆོས་ལ་མྱ་ངན་ལས་འདས་པར་མངོན་པར་སྨྲ་ཞིང་མངོན་པར་བརྗོད་དོ།། དགེ་སློང་དག་དགེ་སྦྱོང་དང་བྲམ་ཟེ་ཁ་ཅིག་ཕྱི་མའི་མཐའ་ལ་རྟོག་ཅིང་མཐོང་བའི་ཆོས་ལ
269a6 མྱ་ངན་ལས་འདས་པར་སྨྲ་བ་དག། མཐོང་བའི་ཆོས་ལ་མྱ་ངན་ལས་འདས་པར་མངོན་པར་སྨྲ་ཞིང་མངོན་པར་བརྗོད་པ་ཐམས་ཅད་ཀྱང་གཞི་ལྔ་པོ་འདི་དག་ལ་སྟེ།། དེ་ལས་མི་ལྷག
269a7 མི་མངལ་དེ་དག་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ།། དེ་ལྟར་ན་ལྟ་བར་སོང་བ་འདི་དག་འདི་ལྟར་འཛིན་པ་དང་ཞེས་བྱ་བ་ནས་ཐུགས་སུ་ཆུད་དེ་ཞེས་བྱ།།
iiif viewer powered by OpenSeadragon
