| e-texts navigator |
| Wylie |
268b1 བུ་གདུང་བ་དང་བཅས་སོ།། བདག་ནི་ནམ་ཞིག་ན་ཡོངས་སུ་ཆད་པར་འགྱུར་རོ།། འདོད་པ་ན་སྤྱོད་པའི་ལྷ་དང་། གཟུགས་ན་སྤྱོད་པའི་ལྔ་དང་། གཟུགས་ཅན་མ་ཡིན་པ་ནམ
268b2 མཁའ་མཐའ་ཡས་སྐྱེ་མཆེད་ལ་གནས་པ་དང་། གཟུགས་ཅན་མ་ཡིན་པ་རྣམ་ཤེས་མཐའ་ཡས་སྐྱེ་མཆེད་ལ་གནས་པ་དང་། གཟུགས་ཅན་མ་ཡིན་པ་ཅི་ཡང་མེད་པའི་སྐྱེ་མཆེད་ལ
268b3 གནས་པ་དང་། གཟུགས་ཅན་མ་ཡིན་པ་ཡོད་མིན་མེད་མིན་སྐྱེ་མཆེད་ལ་གནས་པ་དག་ཇི་སྲིད་དུ་འཚོ་ཞིང་གནས་པ་ཞེས་བྱ་བ་ནས། འདི་ནི་གཞི་བདུན་པའོ་ཞེས་བྱ་བའི་བར་དུ་སྔ་མ་བཞིན་ནོ།།
268b4 ཅི་ལ་རྟེན་ཅིང་ཅི་ལ་གནས་ནས། ཅི་ལ་གནས་བཅས་ཏེ། ཕྱི་མའི་མཐའ་ལ་རྟོག་ཅིང་ཆད་པར་སྨྲ་བ་དག། དེ་ཕན་ཆད་བདག་ནི་ཆད་པར་འགྱུར་ཏེ་མེད་དོ་ཞེས་ཁ་ཅིག་མངོན་པར་སྨྲ་ཞིང་མངོན།།
268b5 པར་བརྗོད་དོ།། དགེ་སློང་དག་དགེ་སྦྱོང་དང་བྲམ་ཟེ་ཁ་ཅིག་ཕྱི་མའི་མཐའ་ལ་རྟོག་ཅིང་ཆད་པར་སྨྲ་བ་དག། དེ་ཕན་ཆད་བདག་ནི་ཆད་པར་འགྱུར་ཏེ་མེད་དོ།། ཞེས་ཁ་ཅིག་མངོན་པར་སྨྲ་ཞིང
268b6 མངོན་པར་བརྗོད་པ་ཐམས་ཅད་ཀྱང་གཞི་བདུན་པོ་འདི་དག་ལ་སྟེ། དེ་ལས་མི་ལྷག་མི་མངལ་དེ་དག་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེས་བྱ་བ་དག་ནི་སྔ་མ
268b7 བཞིན་ནོ།། དགེ་སློང་དག་ཆོས་གང་དག་གཞན་ཟབ་པ་ཟབ་པར་སྣང་བ་དེ་དག་ཀྱང་གང་ཞེ་ན་ཞེས་བྱ་བ་དག་ཀྱང་སྔ་མ་བཞིན་ནོ།། དགེ་སློང་དག་ཆོས་གང་དག་གཞན་ཟབ་པ་ཟབ་པར་སྣང་བ་དེ
iiif viewer powered by OpenSeadragon
