| e-texts navigator |
| Wylie |
268a1 དག་ལ་སྟེ། དེ་ལས་མི་ལྷག་མི་མང་བ་དེ་དག་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་དེ་ལས་ལྷག་པར་ཡང་དག་པ་ཇི་ལྟ་བ
268a2 བཞིན་རབ་ཏུ་མཁྱེན་ཏོ།། དེ་ལྟར་ན་ལྟ་བར་སོང་བ་འདི་དག་ཅེས་བྱ་བ་དག་ནི་སྔ་མ་བཞིན་ནོ།། དགེ་སློང་དག་ཆོས་གང་དག་གཞན་ཟབ་པ་ཟབ་པར་སྣང་བ་ཞེས་བྱ་བ་དག་ནི་སྔ་མ་བཞིན
268a3 ནོདགེ་སློང་དག་ཆོས་གང་དག་གཞན་ཟབ་པ་ཟབ་པར་སྣང་བ་དག་གང་ཞེ་ན་ཞེས་བྱ་བ་དག་ནི་སྔ་མ་བཞིན་ནོ།། དགེ་སློང་དག་དགེ་སྦྱོང་དང་བྲམ་ཟེ་ཁ་ཅིག་ཕྱི་མའི་མཐའ་ལ་རྟོག་ཅིང་ཆད་པར
268a4 སྨྲ་བ་དག་ཡོད་དེ། དེ་ཕན་ཆད་བདག་ནི་ཆད་པར་འགྱུར་ཏེ་མེད་དོ།། ཞེས་ཁ་ཅིག་མངོན་པར་སྨྲ་ཞིང་མངོན་པར་བརྗོད་པ་ནི་འདི་ལྟ་སྟེ་གཞི་བདུན་པོ་དག་ལའོ།། དགེ་སྦྱོང་དང་བྲམ་ཟེ
268a5 ཤེས་ལྡན་ཅི་ལ་རྟེན་ཅིང་ཅི་ལ་གནས་ནས། ཅི་ལ་གནས་བཅས་ཏེ། ཕྱི་མའི་མཐའ་ལ་རྟོག་ཅིང་ཆད་པར་སྨྲ་བ་དག་དེ་ཕན་ཆད་བདག་ནི་ཆད་པར་འགྱུར་ཏེ། མེད་དོ་ཞེས་ཁ་ཅིག་མངོན་པར
268a6 སྨྲ་ཞིང་མངོན་པར་བརྗོད་པ་ནི་འདི་ལྟ་སྟེ་གཞི་བདུན་པོ་དག་ལའོ།། དགེ་སློང་དག་དགེ་སྦྱོང་དང་བྲམ་ཟེ་ཁ་ཅིག་ལ་འདི་ལྟར་ལྟ་ཞིང་འདི་སྐད་དུ་སྨྲ་བ་དག་ཡོད་དེ་གཟུགས་ཅན་ནི་འབྱུང་བ་ཆེན
268a7 པོ་བཞི་པོ་རགས་པ་ཇི་སྲིད་དུ་མཚོ་ཞིང་གནས་ལ། བརྟན་ཞིང་འདུག་པ་དེ་སྲིད་དུ་ནད་དང་བཅས་སོ།། ཤུ་བ་དང་བཅས་སོ།། ཟུགས་རྔུ་དང་བཅས་སོ།། རིམས་ནད་དང་བཅས་སོ།། ཡོངས
iiif viewer powered by OpenSeadragon
