| e-texts navigator |
| Wylie |
267a1 ཅན་དུ་སྨྲ་བ་དག་དེ་ཕན་ཆད་བདག་ནི་འདུ་ཤེས་མེད་པ་ཅན་ཡིན་ནོ་ཞེས་བྱ་བ་ཁ་ཅིག་མངོན་པར་སྨྲ་ཞིང་མངོན་པར་བརྗོད་པ་དེ་ཐམས་ཅད་ནི་གཞི་བརྒྱད་པོ་དག་ལ་སྟེ
267a2 དེ་ལས་མི་ལྷག་མི་མང་ལ། དེ་དག་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། དེ་ལས་ལྷག་པར་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ།། དེ་ལྟར་ན་ལྟ་བར
267a3 སོང་བ་འདི་དག་འདི་ལྟར་འཛིན་པ་དང་ཞེས་བྱ་བ་དག་ནི་སྔ་མ་བཞིན་ནོ།། དགེ་སློང་དག་ཆོས་གང་དག་གཞན་ཟབ་པ་ཟབ་པར་སྣང་བ་ཞེས་བྱ་བ་དག་ནི་སྔ་མ་བཞིན་ནོ།། དགེ་སློང་དག་ཆོས་གང
267a4 དག་གཞན་ཟབ་པ་ཟབ་པར་སྣང་བ་གང་ཞེ་ན་ཞེས་བྱ་བ་དག་ནི་སྔ་མ་བཞིན་ནོ།། དགེ་སློང་དག་དགེ་སྦྱོང་དང་བྲམ་ཟེ་ཁ་ཅིག་ཕྱི་མའི་མཐའ་ལ་རྟོག་ཅིང་འདུ་ཤེས་ཅན་ཡང་ཡིན་ལ་འདུ་ཤེས་ཅན
267a5 ཡང་མ་ཡིན་པ་ཡིན་པར་སྨྲ་བ་དག་ཡོད་དེ། དེ་ཕན་ཆད་བདག་ནི་འདུ་ཤེས་ཅན་ཡང་ཡིན་ལ་འདུ་ཤེས་ཅན་མ་ཡིན་པ་ཡང་ཡིན་ནོ་ཞེས་ཁ་ཅིག་མངོན་པར་སྨྲ་ཞིང་མངོན་པར་བརྗོད་པ་ནི
267a6 འདི་ལྟ་སྟེ། གཞི་བརྒྱད་པོ་དེ་དག་ལའོ།། དགེ་སྦྱོང་དང་བྲམ་ཟེ་དེ་དག་ཅི་ལ་བརྟེན་ཅིང་ཅི་ལ་གནས་ནས། ཅི་ལ་གནས་བཅས་ཏེ། ཕྱི་མའི་མཐའ་ལ་རྟོག་ཅིང་འདུ་ཤེས་ཅན་ཡང་མ་ཡིན་ལ།།
267a7 འདུ་ཤེས་མ་ཡིན་པ་ཡང་མ་ཡིན་ནོ་ཞེས་སྨྲས་པ་དག། དེ་ཕན་ཆད་བདག་ནི་འདུ་ཤེས་ཅན་ཡང་མ་ཡིན་ལ། འདུ་ཤེས་ཅན་མ་ཡིན་པའང་མ་ཡིན་ནོ་ཞེས་ཁ་ཅིག་མངོན་པར་སྨྲ་ཞིང་མངོན་པར་བརྗོ
iiif viewer powered by OpenSeadragon
