| e-texts navigator |
| Wylie |
204b1 ཐམས་ཅད་དུ་འཚལ་བར་འགྱུར་བའི་བཤགས་པས་འཆགས་སོ།། བསལ་ལོ།། རྣམ་པར་གཞིག་གོ།། རབ་ཏུ་གཞོམ་མོ།། སྤོང་ངོ་།། གདོན་ཏོ།། ལས་ལ་དབང་བས་དབང
204b2 བགྱིའོ།། སྟོབས་བསྐྱེད་པ་བརྙེས་པ་རྣམས་ཀྱི་བདེ་བ་ཉེ་བར་བསྟན་པའི་སླད་དུ་ཡོངས་སུ་བསྔོའོ།། གོང་དུ་ཡང་བྱང་ཆུབ་སེམས་དཔའ་དེ་བཞིན་གཤེགས་པ་མཉེས་པར་བགྱིད་པར
204b3 འཚལ་བ། བྱང་ཆུབ་སེམས་དཔའི་སྤྱོད་པ་ཐམས་ཅད་ཡོངས་སུ་སྦྱོང་བར་འཚལ་བ་བྱང་ཆུབ་སེམས་དཔའ་རྣམ་པར་གཞག་པ་ཐམས་ཅད་ལས་ཡང་དག་པར་འདའ་བར་འཚལ་བ
204b4 བྱང་ཆུབ་སེམས་དཔའི་སྨོན་ལམ་ཐམས་ཅད་ཡོངས་སུ་རྫོགས་པར་བགྱིད་པར་འཚལ་བ། བྱང་ཆུབ་སེམས་དཔའི་གཏེར་ཐམས་ཅད་ཐོབ་པར་འཚལ་བ། དེ་བཞིན་གཤེགས་པ་ཐམས
204b5 ཅད་ཀྱི་བསྟན་པ་ཡང་དག་པར་འཛིན་པར་འཚལ་བ། ཕ་རོལ་ཏུ་ཕྱིན་པ་ཐམས་ཅད་ཡོངས་སུ་རྫོགས་པར་བགྱིད་པར་འཚལ་བ། སེམས་ཅན་ཐམས་ཅད་ཡོངས་སུ་སྨིན་པར་བགྱིད
204b6 པར་འཚལ་བ། འཇིག་རྟེན་གྱི་ཁམས་ཡོངས་སུ་དག་པ་ཐམས་ཅད་རྟོགས་པར་འཚལ་བ། བྱང་ཆུབ་སེམས་དཔའ་ཀུན་ཏུ་བཟང་པོའི་སྤྱོད་པའི་སྨོན་ལམ་ཡོངས་སུ་རྫོགས་པར
204b7 བགྱི་བ་རྟོགས་པར་འཚལ་བ་རྣམས་ཀྱིས་ཇི་ལྟར་སངས་རྒྱས་བཅོམ་ལྡན་འདས་བདག་གིས་སངས་རྒྱས་ཀྱིས་མཁྱེན་པ་ཆགས་པ་མི་མངའ་ཞིང་། སྒྲིབ་པ་མི་མངའ་བས་མཁྱེན་ཅིང
iiif viewer powered by OpenSeadragon
