| e-texts navigator |
| Wylie |
202a1 ཤུགས་ཀྱིས་བསྐྱེད་པ། རྡོ་རྗེའི་དབང་པོ་སྣང་བར་བགྱིད་པ། སངས་རྒྱས་ཀྱི་ཡུལ་ཐམས་ཅད་དུ་སྣང་བའི་མེ་ཏོག་གི་རྒྱལ་པོའི་ཡེ་ཤེས་ལས་བྱུང་བའི་མཆོད་པས།
202a2 དེ་བཞིན་གཤེགས་པ་དེ་དག་ལ་བསྟི་སྟང་དུ་བགྱིའོ།། བཙུན་པར་བགྱིའོ།། རི་མོར་བགྱིའོ།། མཆོད་དོ།། གསོལ་ལོ།། རིམ་གྲོར་བགྱིའོ།། ཇི་ལྟར་བདག་གི་དོན་དུ་མཆོད
202a3 པ་དེ་བཞིན་དུ་། འཇིག་རྟེན་གྱི་ཁམས་རབ་བྱམས་མ་ལུས་པ་ཐམས་ཅད་ན་སེམས་ཅན་ཇི་ཙམ་སེམས་ཅན་གྱི་རིས་ན་མཆིས་པ་སེམས་ཅན་གྱི་ཁམས་དེ་དག་ཐམས་ཅད་ཀྱི་ཆེད་དུ་ཡང་དེ
202a4 བཞིན་གཤེགས་པ་དེ་དག་ལ་མཆོད་པར་བགྱིའོ།། དེ་ལྟར་བདག་གིས་དེ་བཞིན་གཤེགས་པ་ལ་མཆོད་པའི་སྟོབས་ཀྱིས་བརླན་པའི་སེམས་བསྐྱེད་པ། བྱམས་པ་ཆེན་པོ་དང་། སྙིང
202a5 རྗེ་ཆེན་པོས་ཉེ་བར་བརྟན་པ། འགྲོ་བ་ཐམས་ཅད་ཡོངས་སུ་སྐྱབས་པའི་སྨོན་ལམ་དང་ལྡན་པས། དེ་བཞིན་གཤེགས་པ་ཐམས་ཅད་ཀྱི་བྱིན་གྱི་བརླབས་ཀྱི་མཛོད་ཀྱི་རྗེས་སུ་ཞུགས
202a6 པར་གྱུར། ཤེས་རབ་དང་། ཐབས་ཀྱི་སྟོབས་ཆེན་པོས་ཡོངས་སུ་བཟུང་བར་གྱུར་བདུད་ཀྱི་ལམ་དང་ཡུལ་ཐམས་ཅད་ལས་ཡང་དག་པར་འདས་པར་གྱུར་ནས། སྒྲུབ
202a7 པར་འགྱུར་བའི་ལས་ཐམས་ཅད་བཤགས་པར་བགྱི་སྟེ། གང་སངས་རྒྱས་བཅོམ་ལྡན་འདས་རྣམས་ཀྱི་བཀའ་སྩལ་པ་དང་། གང་སེམས་ཅན་དམ་པ་རྣམས་ཀྱིས་རྣམ་པར་སྤངས
iiif viewer powered by OpenSeadragon
