| e-texts navigator |
| Wylie |
201b1 བས་མཁྱེན་བཅིང་རབ་ཏུ་མཁྱེན་པ་དེ་ལྟ་བུས། དེ་བཞིན་གཤེགས་པ་དག་ལ་མཆོད་པར་བགྱི་བ་དེ་བཞིན་དུ། བདག་གིས་ཀྱང་ཡང་དག་པར་རྫོགས་པའི་སངས་རྒྱས་ཀྱིས་བཀའ་སྩལ་པའི
201b2 བྱང་ཆུབ་སེམས་དཔའི་དཀྱིལ་འཁོར་ཐམས་ཅད་རབ་ཏུ་དགའ་བར་བགྱིད་པ། བྱང་ཆུབ་སེམས་དཔའ་ཀུན་ཏུ་བཟང་པོའི་སྤྱོད་པ་རབ་འབྱམས་ལས་ངེས་པར་བྱུང་བ། བྱང་ཆུབ་སེམས
201b3 དཔའ་ཡེ་ཤེས་བླ་མ་གནས་པའི་ཡུལ་གྱི་རྗེས་སུ་ཞུགས་པས་དེ་བཞིན་གཤེགས་པ་ལ་མཆོད་པར་བགྱིའོ།། དེ་བཞིན་གཤེགས་པ་ལ་མཆོད་པའི་ལས་ཀྱི་སླད་དུ། དེ་བཞིན་གཤེགས་པ
201b4 ལ་མཆོད་པ་དང་། རིམ་གྲོ་བགྱི་བ་གཙུག་གི་བླ་མ་ཞེས་བགྱི་བས་འཇིག་རྟེན་གྱི་ཁམས་རབ་བྱམས་ཐམས་ཅད་དུ་འཇུག་སྟེ། དེ་བཞིན་གཤེགས་པ་ལ་མཆོད་པ་འདི་ལྟ་སྟེ། ཕ་རོལ་ཏུ་ཕྱིན་པ
201b5 ལས་བྱུང་བ་མ་སྐྱེས་པའི་ཆོས་ལས་བྱུང་བ། བྱང་ཆུབ་སེམས་དཔའ་རིགས་བཙུན་པར་སྐྱེས་པའི་ཡེ་ཤེས་ཀྱི་མིག་གིས་རིག་པ། སངས་རྒྱས་ཀྱི་ཡུལ་ཐམས་ཅད་རྒྱས་པར་གེངས་པས
201b6 འཇིག་རྟེན་གྱི་ཁམས་ཆོས་ཀྱི་དབྱིངས་སུ་གཏོགས་པ་མིང་གིས་ཁྱབ་པ་མང་པོ་དག་ན་ཆོས་ཀྱི་དབྱིངས་རྒྱས་པར་འགེངས་པའི་འཁོར་གྱི་དཀྱིལ་འཁོར་རྣམས་དང་། ནམ་མཁའི་ཁམས་ཀྱི
201b7 མཐས་བཏུགས་པ། ཆོས་ཀྱི་དབྱིངས་སུ་གཏོགས་པའི་འཇིག་རྟེན་གྱི་ཁམས་སུ་འཇུག་གོ།། དེ་བས་གོང་དུ་ཡང་མཆོད་པ་ཡོན་ཏན་དཔག་ཏུ་མ་མཆིས་པ་དང་ལྡན་པ་དགེ་བའི་རྩ་བ་ཆེན་པོ
iiif viewer powered by OpenSeadragon
