| e-texts navigator |
| Wylie |
153b1 མལ་སྟན་དང་། ནད་ཀྱི་གསོས་སྨན་དང་། ཡོ་བྱད་རྣམས་ཀྱིས་བསྙེན་བཀུར་བྱེད་ན། དགའ་བོ་དེ་ནི་བྱུང་བར་ངེས་པར་བྱུང་བའི་སེམས་ཀྱི་བཅུ་དྲུག་གི་ཆར་ཡང་མི་ཕོད་དོ།། དགའ་བོ།།
153b2 ཁྱོད་ཀྱིས་རབ་ཏུ་བྱུང་། དལ་བ་ཤིན་དུ་རྙེད་དཀའ་སྟེ། དགའ་བོ་སྟོན་པ་མངོན་གྱུར་པ། ང་ལ་མི་མཉེས་མ་བྱེད་ཅིག། དགའ་བོ་དཔེར་ན་ས་ཆེན་པོ་འདི་ཆུ་གཅིག་པུར་རྒྱ་མཚོར
153b3 གྱུར་ལ། དེ་ན་རུ་སྦལ་ཞར་བ་གཅིག་ཀྱང་ཡོད། དེ་ན་གཉའ་ཤིང་བུ་ག་གཅིག་པ་གཅིག་ཀྱང་རྒྱུ་ལ། རུ་སྦལ་ཞར་བ་དེ་འདི་སྙམ་དུ། གཉའུ་ཤིང་ག~ཾ་བུ་ག་དེར་མགྲིན་པ་ཚུད་པར
153b4 བྱའོ་སྙམ་དུ་སེམས་སྐྱེ་ཞིང་། གཉའ་ཤིང་བུ་ག་ཅན་དེ་ཡང་རླུང་གིས་བསྐྱོད་ནས། ཕྱོགས་ཕྱོགས་སུ་རྒྱུག་པར་བྱེད་པ་ན། དགའ་བོ་བརྒྱ་ལ་རྐྱེན་ཞིག་གོས་རུ་སྦལ་ཞར་བ་དེའི་མགྲིན་པ
153b5 གཉའ་ཤིང་གི་བུ་ག་དེར་འཇུག་པར་འགྱུར་གྱི། དགའ་བོ་མི་ཉིད་ཐོབ་པ་ནི་མ་ཡིན་ནོ།། དལ་བ་ཕུན་སུམ་ཚོགས་པ་དེ་བཞིན་ནོ།། དགའ་བོ་ཁྱོད་ཀྱིས་མི་ཉིད་ཤིན་ཏུ་རྙེད་པར་དཀའ་བ་དང་།
153b6 དེ་བཞིན་དུ་དལ་བ་ཕུན་སུམ་ཚོགས་པ་ཡང་རྙེད་ན། དགའ་བོ་ཁྱོད་ཀྱིས་རང་བྱུང་། དལ་བ་ཤིན་ཏུ་རྙེད་དཀའ་རྙེད།། དགའ་བོ་སྟོན་པ་མངོན་གྱུར་པ།། ང་ལ་མི་མཉེས་མ་བྱེད་ཅིག
153b7 དཔེར་ན་འགའ་ཞིག་གིས་ཁབ་ཀྱི་མིག་གནམ་དུ་བསྟན་ཏེ། ཉུངས་དཀར་གྱི་འབྲུ་རྣམས་འཐོར་བར་བྱེད། དགའ་བོ་བརྒྱ་ལ་རྐྱེན་ཞིག་གིས་དེར་ཡུངས་ཀར་གྱི་འབྲུ་གང་ཡིན་པ་གཅིག
iiif viewer powered by OpenSeadragon
