| e-texts navigator |
| Wylie |
153a1 དུ་འཕགས་པ་བདེ་བ་ཡིན་ན། དགའ་བོ་གཞན་ཡང་དལ་བ་ཚོགས་པ་ནི་བཞལ་པ་བརྒྱར་ཡང་ཤིན་ཏུ་རྙེད་པར་བཀའ་བ་ཡིན་ནོ།། སངས་རྒྱས་འབྱུང་བ་ནི་དེ་བས
153a2 ཀྱང་ཆེས་རྙེད་པར་དཀའ་བ་ཡིན་ནོ།། དགའ་བོ་ཐར་པ་འདོད་པ་རྒྱལ་པོའི་དྲང་སྲོང་རྣམས་དང་། གཞན་ཡང་འཁོར་ལོས་བསྒྱུར་བའི་རྒྱལ་པོ་རིན་པོ་ཆེ་སྣ་བདུན་དང་ལྡན་པ་རྣམས་ཀྱང་བཙུན
153a3 མོའི་འཁོར་དང་བཅས་ཏེ་བོར་ནས་རབ་ཏུ་བྱུང་ངོ་།། དེ་བཞིན་དུ་ཁྱིམ་བདག་དང་། བྲམ་ཟེའི་ཚོགས་གཞན་རྣམས་ཀྱང་ཁྱིམ་རྣམས་བོར་ནས་རབ་ཏུ་བྱུང་ངོ་།། དེནས
153a4 བཅོམ་ལྡན་འདས་ལ་རིགས་ཀྱི་བུ་དགའ་བོས་འདི་སྐད་ཅེས་གསོལ་ཏོ།། བཙུན་པ་བདག་ནི་ཁྱིམ་པར་མཆིས་ལ། སྦྱིན་པ་དག་སྩལ། བསོད་ནམས་དག་བགྱི་ཞིང་བཅོམ་ལྡན་འདས
153a5 ཉན་ཐོས་ཀྱི་དགེ་འདུན་དང་བཅས་པ་ལ་ཡང་བསྙེན་བཀུར་བགྱི་ཞིང་ཆོས་གོས་དང་། བསོད་སྙོམས་དང་། གཟིམས་ཆ་དང་སྙུན་གྱི་གསོས་སྨན་དང་། ཡོ་བྱད་རྣམས་ཀྱང
153a6 བསྒྲུབས་པར་བགྱིའོ།། བཅོམ་ལྡན་འདས་ཀྱིས་བཀའ་སྩལ་པ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་ཁམས་གསུམ་པ་གང
153a7 དག་ཡིན་པའི་འཇིག་རྟེན་གང་བར་འགྱུར་ལ། རིགས་ཀྱི་བུ་འམ། རིགས་ཀྱི་བུ་མོ་དད་པ་ཅན་ལ་ལས་ལོ་བརྒྱར་འདི་ལྟ་སྟེ། ཆོས་གོས་དང་། བསོད་སྙོམས་དང
iiif viewer powered by OpenSeadragon
