| e-texts navigator |
| Wylie |
152b1 རབ་ཏུ་དགའ་བ་ཡིན་ནོ།། རྣལ་འབྱོར་སྤྱོད་པ་རྣམས་མཆོག་ཏུ་ཆོག་ཤེས་པར་བྱེད་པ་ཡིན་ནོ།། ཉོན་མོངས་པའི་དགྲ་འཇོམས་པར་བྱེད་པ་རྣམས་ཀྱི་མཚོན་ཆ་ཡིན་ནོ།། ཕྱིར་མི་འོང་བ་རྣམས།
152b2 མཆོག་ཏུ་རྒྱལ་བར་བྱེད་པ་ཡིན་ནོ།། གནས་མེད་པ་རྣམས་ཀྱི་གནས་སོ།། སྐྱོབ་པ་མེད་པ་རྣམས་ཀྱི་སྐྱོང་པ་ཡིན་ནོ།། འཇིགས་པས་འབྲེལ་པ་རྣམས་ཀྱི་མི་འཇིགས་པར་བྱེད་པ་ཡིན་ནོ།།
152b3 སྐྱབས་མེད་པ་རྣམས་ཀྱི་སྐྱབས་ཡིན་ནོ།། སྡུག་བསྔལ་རྣམས་ཀྱི་བདེ་བའི་ཡོ་བྱད་ཡིན་ནོ།། འཁོར་བའི་བཅིང་བས་བཅིངས་པ་རྣམས་འགྲོལ་བར་བྱེད་པ་ཡིན་ནོ།། དགའ་བོ་དེ་ནི་རབ་ཏུ་བྱུང་བ
152b4 ཞེས་བྱའོ།། ལྷ་དང་མི་རྣམས་ཀྱིས་བཀུར་སྟི་བྱས་པ་ཡིན་ནོ།། མིའི་དབང་པོ་རྣམས་ཀྱིས་མཆོད་པ་ཡིན་ནོ།། སངས་རྒྱས་ཐམས་ཅད་ཀྱིས་དགོངས་པ་ཡིན་ནོ།། ཁྱིམ་གྱི་གནས་ཡོངས
152b5 སུ་གཏོང་བ་ཡིན་ནོ།། མྱ་ངན་ལས་འདས་པའི་ལམ་འདྲེན་པ་ཡིན་ནོ།། སླའི་ཁྲུར་འདྲེག་པ་ཡིན་ནོ།། གོས་ངུར་སྨྲིག་ནི་འདོད་ཆགས་དང་བྲལ་བའི་རྟགས་ཡིན་ནོ།། རིགས་པ་ལ
152b6 བརྩོན་པ་བརྩོན་འགྲུས་ཀྱི་ཞིང་ཡིན་ནོ།། འདི་ནི་དྲང་སྲོང་རྣམས་ཀྱི་རྒྱལ་མཚན་ཡིན་ནོ།། བདུད་སྡིག་ཏོ་ཅན་རྣམས་ཀྱི་གྲགས་པ་འཇོམས་པ་ཡིན་ནོ།། ལྷ་དང་མི་རྣམས་རབ་ཏུ
152b7 དགའ་བར་བྱེད་པ་ཡིན་ཏེ། དགའ་བོ་རབ་ཏུ་བྱུང་བ་ནི་དེ་ལྟ་བུ་ཡིན་ན། ཅིའི་ཕྱིར་རབ་ཏུ་མི་འབྱུང་། དགའ་བོ་རབ་ཏུ་བྱུང་བ་ནི་འཁོར་ལོ་བསྒྱུར་བའི་རྒྱལ་སྲིད་བདེ་བ་བས་ཀྱང་ཆེས་ཁྱད་པར
iiif viewer powered by OpenSeadragon
