| e-texts navigator |
| Wylie |
363b1 དྲི་མ་མེད་པའི་ནམ་མཁའ་ལས།། དེ་ཡི་དབུལ་བབ་པར་གྱུར།། བདེ་གཤེགས་འགྲོ་བའི་བླ་མ་ནི།། རིན་ཆེན་སྣ་ཚོགས་བཀྲམ་པ་ཡི།། སེང་གེའི་གདན་ནི་མཐོན་པོ་ལ།། དགྱེས་པས་དེར་ནི
363b2 བཞུགས་པར་གྱུར།། བརྒྱ་བྱིན་གནས་ཀྱི་ཆུ་བོ་དང་།། འཇུག་དོགས་ལས་བླངས་ལྷ་ཡི་ཆུ།། གསེར་ལས་བྱས་པའི་བུམ་པ་ཡི།། ལྷ་རྣམས་ཀྱིས་ནི་དབང་བསྐུར་བསྟབས།། ལྷ་ཡི་གོས་དང་འཕྲེང་བ
363b3 དང་བསྟོད་པ་ལ་ནི་བརྩོན་པ་ཡི།། ཚོགས་རྣམས་དུ་མ་འདུས་པ་ཡིས།། ལྷ་ཡི་ཚལ་ནི་གང་བར་གྱུར།། རྔ་སྒྲ་རྣམས་ཀྱི་ཅ་ཅོ་ཡིས།། མཁའ་དབྱིངས་མ་ལུས་ཁྱབ་པར་གྱུར།། ནམ་མཁའ་ལས།
363b4 ནི་མེ་ཏོག་ཆར།། རྒྱུན་མི་འཆད་པར་བབ་པར་གྱུར།། མནྡར་མེ་ཏོག་ཆ་ལ་བཀྲམ་པས།། གཙང་མ་ཡི་ནི་གནས་ལྟར་གྱུར།། ག་བུར་ཙན་དན་ཕྱེ་མ་ཡིས།། འཇིག་རྟེན་མགོན་ལ་གཏོར་བར་གྱུར།
363b5 རི་བོ་རྒྱ་མཚོར་བཅས་པ་དག། གར་མཁན་གྱི་ནི་གོས་ལྟར་གཡོས།། བཅུད་རྣམས་སྣ་ཚོགས་འཛིན་པ་ཡིས།། ས་དག་རྣམ་དྲུག་གཡོས་པར་གྱུར།། བུང་བ་རྣམས་ནི་སྒྲ་སྒྲོགས་ཤིང་།
363b6 དུས་རྣམས་ཀུན་ཏུ་བྱུང་བ་ཡི།། ཤིང་རྣམས་རང་ཉིད་འདུད་པ་དང་།། མེ་ཏོག་རྣམས་ནི་འཐོར་བར་གྱུར།། བློན་པོ་རྒན་དང་འདུན་ན་འདོན།། བཀྲ་ཤིས་དག་ནི་འདེན་པར་བྱེད།།
363b7 ས་དང་མཁའ་དང་གྲུབ་པ་དང་།། མི་འམ་ཅི་དང་ལྷན་ཅིག་སྤྱོད།། ནགས་ན་གནས་པའི་ལྷ་རྣམས་དང་།། ལྷ་དང་གྲུབ་པ་རིག་འཛིན་མི།། ནང་གི་སླས་ཀྱི་བུད་མེད་ཀྱང་།
iiif viewer powered by OpenSeadragon
