| e-texts navigator |
| Wylie |
363a1 པའི་ཆོས་ནི་སྟོན་པར་མཛད།། ལྷ་རྣམས་ཐལ་མོ་སྦྱར་བྱས་ཏེ།། དུས་གསུམ་དུ་ནི་དེར་ལྟ་བ།། རྡུལ་མེད་མུ་ཏིག་འཕྲེང་བ་ནི།། བཻཌཱུཪྻའི་སྣོད་གནས་འདྲ།། བདུད་རྩི་རབ་སྦྱིན་གཟུགས་ཅན་ཏེ།
363a2 དེ་ཡིས་ལྷ་མོ་མཛེས་པར་གྱུར།། ཟླ་བཤིན་ཏུ་གསལ་པ་འམ།། མུ་ཏིག་འོ་མའི་རྒྱ་མ་རྒྱོའདྲ།། འབྱུང་པོ་རྣམས་ནི་དབུགས་བརྩིན་ཅིང་།། ཡིད་ལ་རི་བའི་ངན་རྫོགས་མང་།། དེ་ནི་འདོད་པ་སྩོལ་བསྟེ
363a3 འདོད་པ་ཐམས་ཅད་ཚོགས་མཛད།། སྐྱེད་མོས་ཚལ་ནི་ལུམ་བི་ནོར།། འཇིག་རྟེན་གཙོ་མོ་སོང་གྱུར་ཏེ།། ས་བདག་དང་ནི་སྲས་རྣམས་དང་།། འདུན་ན་འདོན་དང་ལྷན་ཅིག་ཏུ།། དེར་ནི་མྱ་ངན་མེད་པ་ཡིས།།
363a4 ཡལ་ག་ལ་འཇུས་བརྟུལ་ཞུགས་གནས།། ནམ་མཁའ་ལྷ་ཡི་བུ་མོ་རྣམས།། ཟླ་བ་དང་ནི་སྐར་ཚོགས་འདྲ།། སྐར་མ་རྒྱལ་ལ་བབ་པ་ན།། དེ་སྲས་རྩི་མའི་ལོགས་ནས་ནི།། འགྲོ་ལ་ཕན་པ་མཁྱེན
363a5 བ་ཡིས།། ཉི་མ་ཤར་བ་བཞིན་དུ་བྱུང་།། མཚན་མཆོག་ཡང་དག་རྫོགས་པ་ཡིས།། གཙོ་བོ་ཉིད་ཀྱི་སྐུ་ཡི་འོད།། འཛམ་བུའི་ཆུ་བོའི་གསེར་འདྲ་ཡིས།། ཕྱོགས་རྣམས་རབ་ཏུ་སྣང་བར
363a6 གྱུར། བརྒྱ་བྱིན་མ་མའི་ཆ་བྱད་ཅན།། སྨིན་མ་བཀོད་པས་བཟློག་པར་མཛད།། ས་ལ་གོམ་པ་བདུན་བོར་ན།། གཏེར་དང་པདྨས་བརྒྱན་པར་གྱུར།། བདག་གི་སྐྱེ་བ་ཐ་མ་ནི།། འདི་ལ
363a7 ཡང་སྲིད་ཡོད་མིན་ཞེས།། སྙན་པའི་གསུང་ནི་བསྒྲགས་ནས་ཀྱང་།། ཕྱོགས་རྣམས་ཀུན་ཏུ་གཟིགས་པར་གྱུར།། ཉི་ཟླ་རིན་ཆེན་བུམ་པ་ལས།། དྲོ་གྲང་ཆུ་ཡི་རྒྱུན་གཉིས་ནི།
iiif viewer powered by OpenSeadragon
