| e-texts navigator |
| Wylie |
362b1 བར་མི་འགྱུར་ཞིག་ཀུན་ཅིཅིག་གི་ངན་སྣོད་པས།། དཔེར་ན་སྡོངས་པོ་བཟང་པོ་ལ།། ཡུན་རིང་ཡན་ལག་འཁྲུག་པ་བཞིན།། མི་དེ་རྟགས་ཙམ་ཡུན་རིང་ན།། ཁ་ན་མ་ཐོའི་གཏམ་འཕེལ་དང་།། སྡིག་པའི་ལས་རྣམས་འཕེལ་བར
362b2 བཤད།། ཚུལ་ཁྲིམས་འདི་ནི་བདེ་བའི་མཆོག། ཚུལ་ཁྲིམས་འདི་ནི་ཐར་པའི་ལམ།། ཚུལ་ཁྲིམས་འདི་ནི་ཡོན་ཏན་ཞིང་།། ཚུལ་ཁྲིམས་འདི་ནི་སངས་རྒྱས་རྒྱུ།། ཚུལ་ཁྲིམས་འདི་ནི་མཆོག་ཡིན་པས།། མིག་གི་འབྲས་བུ་བཞིན
362b3 དུ་སྲུངས།། སྲོག་ལ་བབ་ཀྱང་ཚུལ་ཁྲིམས་ནི།། གཏོང་བ་མི་མཁས་བླུན་པོ་ཡིན།། སྲོག་ཆད་ཕྱི་མར་སྐྱེ་བ་སྟེ།། ཚུལ་ཁྲིམས་ཕྱི་ནས་དེ་ལྟ་མིན།། དེ་བས་ཉེ་བར་འཁོར་སོགས་ཀྱིས།། འདི་ཉིད་ལ་ནི་བརྟེན་པར་བཟུང་།། དེ་སྐད་ཅེས།
362b4 བཅོམ་ལྡན་འདས་ཀྱིས་བཀའ་སྩལ་ཏེ།། ཉེ་བར་འཁོར་ལ་སོགས་པ་དགེ་སློང་དེ་དག་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། དགེ་སློང་ལ་རབ་ཏུ་གཅེས་པ་ཞེས་བྱ་བའི་མིང་རྫོགས་སོ།།
362b5 ། རྒྱ་གར་སྐད་དུ་བུདྡྷ་ཨ་བྷི་ཥི་ཀ་མ་ནཱ་མ་སྟོ་ཏྲ་མ། བོད་སྐད་དུ། སངས་རྒྱས་དབང་བསྐུར་བ་ཞེས་བྱ་བའི་བསྟོད་པ། ཐམས་ཅད་མཁྱེན་པ་ལ་ཕྱག་འཚལ་ལོ།།
362b6 དེ་ནས་བསྐལ་པ་གྲངས་མེད་གསུམ།། ཕ་རོལ་ཕྱིན་རྣམས་རྫོགས་པ་ཡི།། ཐུབ་ལ་ལྷ་རྣམས་ཀྱིས་གསོལ་པས།། མཐོ་རིས་ནས་ནི་མི་ནང་གཤེགས།། ཉི་མའི་རིགས་ཏེ་ཟླ་བ་ཡི།། ས་ཡི་བདག་པོ་ཟས
362b7 གཙང་དང་།། གཙོ་མོ་སྒྱུ་འཕྲུལ་ལྷ་མོ་ཡི།། མངལ་དུ་ཉིང་མཚམས་སྦྱོར་བར་མཛད།། དེར་ནི་རིན་ཆེན་ཁང་གནས་ཤིང་།། ལྷ་ཡི་མཆོག་རྣམས་བསྟོད་བྱེད་ལ།། དེ་ལ་གསུང་ནི་མཐོན་པོ་ཡིས།། དམ
iiif viewer powered by OpenSeadragon
