| e-texts navigator |
| Wylie |
361b1 དགེ་སློང་རང་གི་ངོ་བོ་བསྡམས་པ་སྟེ།། རྩ་བ་བ་ནི་སོགས་ཉིས་བརྒྱ་ལྔ་བཅུ་པ།། ཆེད་དུ་བྱ་བ་རྣམས་དག་ཚུལ་ཁྲིམས་ཡིན།། དབྱེ་བ་མིང་གི་དགེ་སློང་གང་ཡིན་དང་།། རྟགས་ཙམ་འཛིན་དང་པངས་དགེ་སློང་སྟེ།། སྒྲ་འཇུག་རྣམ་པར།
361b2 ཟང་ཕྱིར་དང་།། དགེ་བ་སློང་དང་ཟས་སློང་དང་།། ཞི་བར་གནས་དང་ལམ་ཞུགས་དང་།། ལེགས་པར་འཚོ་དང་ཆགས་སྤངས་དང་།། ཡིད་འོང་བྱིར་ན་དགེ་སློང་ངོ་།། དགེ་སློང་ཞེས་བྱ་བ་རྒྱན་པ་སྟེ།། རྒྱན་སྤངས་རྒྱན་གྱིས
361b3 ལེགས་པར་བརྒྱམ།། ཆགས་སྤངས་ཆགས་པ་ཆེན་པོ་སྤྱད།། བྱུག་པ་ཁྲུས་དང་བཟའ་བ་དང་།། རྒྱན་དང་གོས་དང་ཁ་དོག་དང་།། རྟ་དང་གླང་པོ་ཁྱོགས་རྩིགས་ཀྱིས།། བནོན་པ་བླ་མེད་དེ་ཡང་བཞོམ།། དེ་དག་འབྱོར་པ
361b4 དགེ་སློང་སྟེ།། དེ་དག་མི་འབྱོར་དགེ་སློང་མིན།། དེ་ནས་ཉེ་བར་འཁོར་དེ་ཡིས།། བཅོམ་ལྡན་འདས་ལ་འདི་སྐད་གསོལ།། ཅི་དེ་བདེ་བར་གཤེགས་པ་ཡིས།། སྐད་ཀྱིས་རྟོགས་པར་དཀའ་བ་གསུངས།། དེ་ཉིད་བདེ་བར
361b5 གཤེགས་པ་ཡིས།། ཚིག་གི་མུན་པ་ཚིག་གིས་ནི།། མེར་མེས་གསལ་བར་མཛད་དུ་གསོལ།། བཅོམ་ལྡན་འདས་ཀྱིས་བཀའ་སྩལ་པ།། གསེར་ལས་སོགས་པ་འཇིག་རྟེན་རྒྱན།། རབ་ཏུ་སྤངས་པས་སྙིང་རྗེ་ཡི།། རྒྱན་གྱི
361b6 མཆོག་གིས་བརྒྱན་པར་བྱ།། འཇིག་རྟེན་མ་ཡིན་བསླབས་པ་ཡི།། གོས་གྱོན་གོས་མཆོག་བཟང་པོ་ཡིན།། ག་པུར་ལ་སོགས་མ་ཡིན་པའི།། ཚུལ་ཁྲིམས་བྱུག་པ་མཆོག་གིས་བྱུག། དཀར་དམར་ལ་སོགས་མ་ཡིན་གྱི།
361b7 དད་པའི་ཁ་དོག་རྣམ་པར་མཛེས།། འཇིག་རྟེན་མ་ཡིན་བརྩོན་འགྲུས་ཀྱི།། བནོན་པ་བླ་མེད་མགྱོགས་པའི་མཆོག། བསམ་གཏན་ཆོས་སྤྱོད་ཟས་མཆོག་ནི།། འབྲས་ཆན་པས་ནི་རོ་མཆོག་ལྡན།། དགེ་འདུན་ཚོགས་ཀྱི་གནལ་ཡས་ཁང་།
iiif viewer powered by OpenSeadragon
