| e-texts navigator |
| Wylie |
361a1 གྲོང་ཁྱེར་ཆེན་པོ་པདྨ་རྒྱས་པ་ཞེས་བྱ་བའི་གཙུག་ལག་ཁང་ན་བཞུགས་ཏེ།། དེ་ན་དགེ་སློང་གི་དགེ་འདུན་འཁོར་སྟོང་ཕྲག་ཕྱེད་དང་གསུམ་དང་ཐབས་ཅིག་གོ་དེ་ནས་དེའི་ཚེ
361a2 བཅོམ་ལྡན་འདས་ཀྱིས་མཁོར་འདུས་པ་དེའི་ནང་ན། འཕགས་པ་ཉེ་བར་འཁོར་ཞེས་བྱ་བ་དབང་པོ་དུལ་བ་ཐོས་པ་དང་ལྡན་པ་ཤེས་རབ་ཟབ་པ། བཅོམ་ལྡན་འདས་ཀྱིས་ལེགས་པར་གསུངས་པའི་ཆོས་འདུལ་བ་ལ
361a3 ལྷག་པར་མོས་ཤིང་མཆོག་ཏུ་འཛིན་པར་གནས་པ་རང་གི་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ཏེ་པུས་མོ་གཡས་པའི་ལྷ་ང་ས་ལ་གཅུགས་ནས། ལག་བ་གཉིས་ཀྱི་ཐལ་མོ་སྙིང་ཀར་སྦྱར་བ་བྱས
361a4 འཛུམ་དམྱལ་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། འཁོར་བའི་འདམ་ནས་པདྨ་ལྟར་བྱུང་བའི།། ། སྐྱོབ་མཛད་རི་བོ་ལྟ་བུར་མི་བསྐྱོད་ཐུབ་པའི་སྐུ།། དཔེ་བྱད་རྒྱན་གྱིས་བརྒྱན་ཅིང་མཚན་གྱི་མེ་ཏོག་མཛེས།། བལྟ་བས་མི་ངོམས་རབ
361a5 མཆོག་ཁྱོད་ལ་ཕྱག་འཚལ་ལོ།། ཁྱོད་ཀྱིས་བདག་ཅག་འདིར་འདུས་འདི་དག་ལ།། དགེ་སློང་འབའ་ཞིག་གནས་པས་དགེ་སློང་གི། ངོ་བོ་དབྱེ་དང་སྒྲ་འཇུག་ཆེད་བྱ་བ།། བཞི་པོ་འདི་དག་ཐུབ་པས་གསུངས་དུ་གསོལ།། དེ་ནས་བཅོམ་ལྡན་བདེ
361a6 གཤེགས་རབ་དགྱེས་ཏེ།། ཉེ་བར་འཁོར་ལ་སྤྱན་གཟིགས་འདི་སྐད་གསུངས།། ལེགས་པར་ཉོན་ཅིག་པུ་ཁྱོད་ཉེ་བར་འཁོར།། ངས་ནི་ཁྱོད་ཀྱི་སེམས་རང་བ་ཕྱི་དང་།། དགེ་སློང་རྣམས་ལ་ཕན་བྱི་དེ་བཤད་དོ།། དགེ་སློང་ཞེས་བྱ་ཆོས་ཀྱི་རྒྱལ
361a7 མཚན་ཏེ།། དགེ་སློང་ཞེས་བྱ་རྡོ་རྗེའི་སྲོག་ཤིང་ཡིན།། དགེ་སློང་ཞེས་བྱ་སྡུག་བསྔལ་སྤངས་པ་སྟེ།། དགེ་སློང་ཞེས་བྱ་རྒྱལ་བའི་སྲས་པོ་ཡིན།། དགེ་སློང་ཞེས་བྱ་ཚོན་མོངས་སྲོག་གཅོད་དེ།། དགེ་སློང་ཞེས་བྱ་ཐར་པའི་ཚལ་འགྲོས།
iiif viewer powered by OpenSeadragon
