| e-texts navigator |
| Wylie |
360b1 ཀུན་ལ་མཁས་པར་འགྱུར་བ་དང་།། ཞི་ལ་འགྲོགས་ན་བདེ་བ་དེ་དག་ནི།། དམ་པས་ལེགས་པ་ཡིན་ཞེས་བསྔགས་པ་མཛད།། ཉེ་རྔས་སྨྲས་པ།། རྔ་ཁྱོད་ལ་ནི་ཕྱི་ཕྱིར་ཞིང་།། འདི་ལྟར་བདག་ནི་རབ་ཏུ་དང་།། བདག་གི་ལུས་ནི་སྐམས་པ་འམ།
360b2 ཡང་ན་སེམས་ནི་མེད་ཀྱང་བླ།། སྡུག་བསྔལ་ཤིན་ཏུ་མི་བཟད་པར།། སྤྱང་ཡང་བྱིན་ཆད་སྡིག་མི་བགྱི།། ཚུལ་ཁྲིམས་ཉམས་པ་གསོན་པ་བས།། ཚུལ་ཁྲིམས་ལྡན་པ་ཤི་ཡང་བླ།། སྐྱེ་བ་གཅིག་ཏུ་ལུས་འདིའི་ཕྱིར།། ཇི་ལྟར།
360b3 བུར་ནི་མི་བཟད་ངས།། བཅོམ་ལྡན་འདས་ཀྱིས་བཀའ་སྩལ་པ།། སྔོན་ཚེ་གང་དུ་རབ་གནས་ཤིང་།། དེ་དང་དེར་ནི་སྐྱེ་བ་ན།། མི་དགེའི་གྲོགས་དང་འགྲོགས་པ་ཡིས།། བདག་གིས་མི་དགེའི་ལས་རྣམས་བྱས།། དགེ་བའི
360b4 བཤེས་དང་འཕྲད་པ་དང་།། མི་དགེའི་ལས་རྣམས་སྤངས་པ་ཡིས།། བདག་གིས་མི་དགེའི་ལས་རྣམ་བསལ།། བཅོམ་ལྡན་དེ་བཞིན་གཤེགས་པ་ཡིས།། སྔོན་གྱི་གནས་རྣམས་མངོན་མཁྱེན་ནས།། དེ་ཕྱིར་དགེ་སློང་རྣམས
360b5 ལ་ནི་ཐུབ་པས་ལུང་ཡང་བསྟན་པར་མཛད།། སྔོན་ཚང་ནི་རྔར་གྱུར་ཏེ།། ཀུན་དགའ་བོ་ནི་ཉེ་རྔ་ཡིན།། ལྷ་སྦྱིན་རྔ་སྒྲར་གྱུར་ཏོ་ཞེས།། སྐྱེས་རབས་དེ་ལྟར་ཤེས་པར་གྱིས།། ཆོས་རྣམས་སྡུད་པར་བྱེད་པ་ཡིས།། དོན་རྒྱས་མདོ
360b6 སྡེ་འདི་ཐོས་ནས།། དགེ་སློང་ཐམས་ཅད་གུས་བཅས་པས།། ཆོས་ལ་སྤྱོད་པ་ཉིད་དུ་གྱིས།། ཀླུའི་རྒྱལ་པོ་རྔ་སྒྲའི་ཚོགས་སུ་བཅད་པ་རྫོགས་སོ།། @རྒྱ་གར་སྐད་དུ།
360b7 བྷིཀྵ་པྲ་རི་ཛུ་སཱུ་ཏྲ་ནཱ་མ། བོད་སྐད་དུ། དགེ་སློང་ལ་རབ་ཏུ་གཅེས་པའི་མདོ་ཞེས་བྱ་བ།། ཐམས་ཅད་མཁྱེན་པ་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ཀྱི
iiif viewer powered by OpenSeadragon
