| e-texts navigator |
| Wylie |
360a1 བར་གྱིས།། གང་དང་གང་ན་བཟའ་བཏུང་དང་།། གང་དུ་གོས་རྣམས་རྙེད་པ་དང་།། གང་དུ་འཚོ་བ་དེར་སོང་ལ།། ཆགས་འགྱུར་གནས་སུ་མ་འདུག་ཤིག། ལན་འགའ་རྩོད་འགྱུར་སྲེད་པ་གང་ཡིན་སྤྲོང།
360a2 འབྲས་བུ་ངན་པའི་ཁྲོ་བ་གང་ཡིནི་སྤོངས།། རྟག་ཁེངས་མཆོད་མེད་ང་རྒྱལ་གང་ཡིན་སྤོངས།། ཕོངས་དུས་མི་ལྷའི་གྲོགས་པོ་གང་ཡིན་སྤོངས།། མེ་ཡིས་གང་བའི་ལམ་འདྲའི་མ་རིག་སྤོངས།། བྱས་གཟོ་མེད་པའི་གཉེན་འདྲའི
360a3 འདོད་ཆགས་སྤོངས།། མཆེ་བ་མི་བཟད་ཀླུ་འདྲའི་ཆགས་པ་སྤོངས།། དག་པོ་མཚོན་ཐོགས་ལྟ་བུའི་སྡུག་བསྔལ་སྤོངས།། ཀླུ་མོ་ལྟ་བུའི་མི་བཟང་ཆུང་མཐོང་།། མགོ་ལ་མེ་འབར་ལྟ་བུའི་བུ་རྣམས་ཐོང་།། མགོ་བའི་ནང་བཅས་ལྟ་བུའི
360a4 ཁྱིམ་རྣམས་ཐོང་།། བཏུང་བ་དུག་ཆེན་ལྟ་བའི་འདོད་པ་ཐོང་།། ཁྱིམ་གྱི་ཕྱིར་ནི་གཅིག་གཏང་སྟེ།། གྲོང་ཁྱེར་དོན་དུ་ཁྱིམ་གཏང་ངོ་།། ལྗོངས་ཀྱི་ཕྱིར་ནི་གྲོང་ཁྱེར་ཏེ།། བདག་གི་དོན་དུ་ས་གཏང་ངོ་།། མི་ཡི་ཡན་ལག་ཕྱིར་ནི་ནོར་གཏང་ཞིང་།
360a5 སྲོག་གི་དོན་དུ་ཡན་ལག་གཏང་བར་བྱ།། ནོར་དང་ཡན་ལག་རྣམས་དང་དེ་བཞིན་སྲོག། ཐམས་ཅད་གཏང་གི་འདིར་ནི་ཆོས་བསྲུང་ངོ་།། ཆོས་སྤྱོད་པ་ལ་འཇིགས་སྐྲག་མེད་པ་ཉིད།། ཆོས་སྤྱོད་དག་ནི་ངན་འགྲོར་མི་འགྲོ་སྟེ།། ཆོས་སྤྱོད་པ་ནི།
360a6 འདོད་པའི་འགྲོ་བར་འགྲོ།། ཆོས་མིན་སྤྱོད་པ་ཤི་ནས་གདུངས་པར་འགྱུར།། མཁས་པ་ནོར་རྙེད་དགའ་བར་མི་འགྱུར་ལ།། ནོར་ཟད་ན་ཡང་བློ་གྲོས་མི་འཁྱིམ་པར།། འཇིག་རྟེན་དག་ན་ཅི་དགར་ལེགས་རྒྱུ་བ།། སེམས་ཅན་ནང་ན་མི་ཡི་སྙིང་པོར་ཆུད།།
360a7 གང་ཞིག་དགའ་བས་གཞན་ལ་ནོར་སྦྱིན་ཞིང་།། ང་རྒྱལ་འཚེ་བ་རྣམས་སྤངས་བདེན་ལ་གནས།། རྒྱ་མཚོ་འདྲ་བའི་སེམས་ལྡན་དེ་དག་ནི།། དབང་པོ་རྟུལ་པོད་ལ་རབས་སྟོབས་ལྡན་ཞིང་།། གང་ནི་དང་དེ་ལ་ལེགས་བསླབས་པས།། དོན་རྣམས
iiif viewer powered by OpenSeadragon
