| e-texts navigator |
| Wylie |
359a1 སྡུག་བསྔལ་དང་དུ་བླང་།། ནོར་ཕྱིར་བྲན་བཞིན་བཀོལ་བར་མི་བྱ་སྟེ།། ཁྲོ་བའི་དབང་དུ་འགྱུར་བར་མི་བྱའོ།། རེས་འགའ་དགའ་བའི་གླུ་དང་སིལ་སྙན་གྱིས།། རྩེ་ཞིང་ཤ་དང་ཆང་ཡང་སྤྱད་པར་བྱ།། རེས།
359a2 འགའ་རི་དགས་བཞིན་དུ་འཇིགས་བཞིན་སོང་།། དུས་སུ་གཅན་ཟན་བཞིན་དུ་ཉམ་རྩལ་བསྟན།། དང་པོར་དུས་དང་དུས་མིན་དང་།། བདག་ཉིད་སྟོབས་ལྡན་སྟོབས་མེད་དང་།། དར་དང་རྒུད་པ་རྟགས་ནས་སུ།། དེ་ནས་དོན་རྣམས་ལེགས
359a3 པར་བརྩམ།། བཟོད་མེད་རྣམས་ལ་བཟོད་པ་དང་།། བཟོད་ལྡན་རྣམས་ལ་བཟོད་པར་གྱིས།། ཉམ་ཆུང་རྣམས་ལ་བཟོད་པ་དང་།། སྟོབས་ལྡན་རྣམས་ལ་རྟག་བཟོད་གྱིས།། འཁོན་གྱིས་འཁོན་ཞིར་ནམ་ཡང་མི་འགྱུར་བས།། བཟོད།
359a4 མེད་རྣམས་ལའང་བཟོད་པར་བྱས་ན་ལེགས།། ཁྲོས་པ་རྣམས་ལ་རྟག་ཏུ་དང་བ་དང་།། གཞན་གྱིས་སྐྱོན་རྣམས་རྟག་ཏུ་བཅབ་པར་གྱིས།། གཙོ་བོ་རྣམས་ཀྱི་ཚིག་ནི་འཇིགས་ཕྱིར་དང་།། འཐབ་ཟླའི་ཚིག་དང་འཐབ་གཅུགས་འགྱུར
359a5 ཕྱིར་བཟོད།། གང་ཞིག་འོག་མའི་ཚིག་རྣམས་བཟོད་བྱེད་པ།། དེ་ནི་བཟོད་པའི་མཆོག་ཅེས་དམ་པས་གསུངས།། གཤེ་དང་གྱ་ཙོམ་སྨྲ་བ་དང་།། ཚིག་ངན་སྨྲ་བར་བྱེད་པ་ལ།། བློ་གྲོས་ཆུང་ངུས་མི་བཟོད་དེ།། པདྨ་ལ་ནི་རྡོ་ཆར་བཞིན།
359a6 གཤེ་དང་གྱ་ཙེམ་སྨྲ་བ་དང་།། ཚིག་ངན་སྨྲ་བར་བྱེད་པ་ལ།། མཁས་པ་ཤིན་ཏུ་བཟོད་བྱེད་དེ།། གླང་ཆེན་མེ་ཏོག་ཆར་པ་བཞིན།། ཁྲོ་བ་དང་ནི་བརྫུན་དག་དང་། ཚིག་ངན་སྨྲ་བར་བྱེད་པ་ལ།། མཁས་པ་ཤེས་རབ་ལྡན་གྱུར་པ།
359a7 གང་ཡིན་དེ་ནི་ཐམས་ཅད་བཟོད།། རྡོ་བ་བསྲེགས་ཀྱང་ཞུ་མི་འགྱུར།། ཆར་པ་བབ་ཀྱང་འཇིག་པ་མེད།། དེ་བཞིན་པདེ་དང་སྡུག་བསྔལ་གྱིས།། མཁས་པ་ཉམས་པར་འགྱུར་བ་མེད།། གང་ཞིག་བདེན་པས་གཤི་མིང་བ།། དེལ
iiif viewer powered by OpenSeadragon
