| e-texts navigator |
| Wylie |
358b1 གང་ཕྱིར་བྲིས་པ་བལ་ཆེར་ནི། བློ་གྲོས་སྤངས་ཤིང་ཤེས་རབ་འཚལ།། དེ་ཕྱིར་མཁས་པ་ཤེས་རབ་ཅན། ཁྱད་པར་དུ་ནི་བདེ་བར་འཚོ།། མ་བས་པས་ནོར་རྙེད་དགའ་བར་མི་འགྱུར་ལ།། འཕོངས་པར་གྱུར་ཀྱང་མི་ཝུ།
358b2 འཁྲུག་པ་མེད།། རྗེས་སུ་གཟུང་ཕྱིར་ཕན་པ་དེ་སྨྲན།། ལེགས་སྨྲ་ཡིན་ཞེས་གྱིས་ཅིས་རྟོགས།། མཁས་པ་ཟུ་ལུམས་མེད་པར་གྱུར་པ་དེ།། དེ་ཉིད་སྤྱད་པ་ལེགས་པར་མཉན་ནས་ནི།། དེ་ལྟར་རྣམ་པ་བསམས་ནས།
358b3 རང་དོན་དང་།། གཞན་གྱི་དོན་དག་ལེགས་པར་སྤྱོད་པར་བྱེད།། མཁས་པ་རྣམས་ནི་འཚོ་བའི་རྒྱུ་རྩ་གྱི།། སྡིག་པའི་ལས་རྣམས་ཀུན་ཏུ་སྤྱོད་མི་འགྱུར།། གལ་ཏེ་བདེ་དང་སྡུག་བསྔལ་ལྡན་འགྱུར་ཀྱང་།། རྟག་ཏུ་ཆོས་འདོད
358b4 ཡོངས་སུ་གཏོང་བ་མེད།། བློ་ལྡན་གཡོ་རྒྱུ་ཅན་དུ་མི་འགྱུར་ཏེ།། རྨོངས་པར་མི་འགྱུར་ཚིག་རྩུབ་ཁྲོ་མི་འགྱུར།། ཕོངས་པའི་གནས་ན་མྱ་ངན་མི་བྱེད་པ།། གཞན་གྱི་གནང་ལ་འབེབས་པར་བྱེད་རེ་སྐན།། ཧ་ཅང་ཐལ་དང་དྲ།
358b5 ཅད་ཞུམ་པ་ཡི།། དམན་པའི་མི་རྣམ་ལ་ཡང་མ་ཡིན་ཏེ།། བར་མའི་གནས་ལ་སྟེན་པར་བྱེད་པ་དག། དེ་ནི་མཁས་པ་རྣམས་ཀྱི་མཚན་ཉིད་ཡིན།། ཧ་ཅང་ཐལ་བག་ཏུ་འཁོན།། ཧ་ཅང་ཞུམ་པ་རྟག་ཏུ་བརྙས།། དེ་ཕྱིར
358b6 དེ་གཉིས་སྤངས་ནས་སུ།། གོ་འཕང་བར་མ་སྟེན་པར་བྱ།། རེས་བགའ་ལྐུགས་པ་འམ་འོན་པ་ལྟ་བུར་གྱིས།། དུས་བབ་ནས་བདག་བཞིན་དུ་སྨོས།། རེས་འགའ་གངས་རི་བཞིན་དུ་བསིལ་བ་གྱིས།། དུས་ལ་བབ་ན་མེ་ལྕེ་བཞིན་དུ་སྤོབ།
358b7 རེས་འགའ་རྩཝ་དང་འདྲ་བར་ཞུམ་པར་བྱ།། དུས་ལ་བབ་ན་རི་རབ་ལྟ་བུར་གྱིས།། རེས་འགའ་རྒྱལ་པོ་ལྟ་བུར་འགྱུར་བར་བྱ།། དུས་ལ་བབ་ན་ཐུབ་འདྲ་ནགས་སུ་སོང་།། རེས་འགའ་བཀྲེས་དང་སྐོམ་པའང་བཟོད་པར་བྱ།། དུས་སུ་བདེ་དང
iiif viewer powered by OpenSeadragon
