| e-texts navigator |
| Wylie |
357b1 མཛའ་ཤེས་ཕྱོགས་ཀྱི་སྟོབས་ཆུང་ལ།། དགྲ་བོའི་ཕྱོགས་ཀྱི་སྟོབས་ལྡན་རྒྱ།། ཁ་རོག་འདུག་དང་བདེ་བ་ཐོབ།། མི་རྣམས་ཆོས་མིན་བྱེད་པ་དང་།། འདོད་པའི་ལོངས་སྤྱོད་མངོན་དགའ་ཞིང་།
357b2 དང་ཆུང་ངོ་ཚ་མེད་པའི་ཚེ།། ཁ་རོག་འདུག་དང་བདེ་བ་ཐོབ།། མི་རྣམས་ཁྲོ་བ་བྱེད་པ་དང་།། གནོད་སེམས་མང་པོར་གྱུར་པ་དང་།། གཞན་ལ་གདུག་པའི་ཚུལ་ལྡན་ཚེ།། ཁ་རོག་འདུག་དང་།
357b3 བདེ་བ་ཐོབ།། མི་རྣམས་དད་པ་མེད་པ་དང་།། ཁྭ་བཞིན་མུ་ཚོར་སྨྲ་བ་དང་།། སྒྲ་དང་གཡོ་དག་བྱེད་པའི་ཚེ།། ཁ་རོག་འདུག་དང་བདེ་བ་ཐོབ།། མི་རྣམས་ཚུལ་ཁྲིམས་འཆལ་པ་དང་།
357b4 གཏུམ་ཞིང་གཟུ་ལུམས་བྱེད་པ་དང་།། བདེན་པའི་ཆོས་དང་མི་ལྡན་ཚེ།། ཁ་རོག་འདུག་དང་བདེ་བ་ཐོབ།། མི་རྣམས་ངང་ཚུལ་ངན་པ་དང་།། ལོག་པར་ལྟ་བས་བཅོམ་པ་དང་།། གཏི་མུག་ལྡན་པར།
357b5 གྱུར་པའི་ཚེ། ཁ་རོག་འདུག་དང་བདེ་བ་ཐོབ།། ངོ་ཚ་མེད་ཅིང་བརྫུན་དུ་སྲ།། དོན་མེད་བླ་མ་ཚིག་རྩུབ་དང་།། དབྱེ་དང་ཁྱལ་བ་སྨྲ་བའི་ཆ།། ཁ་རོག་འདུག་དང་བདེ་བ་ཐོག། ཡ་རབས་ཚུལ
357b6 མེད་ཤིན་ཏུ་ཁེངས།། ང་རྒྱལ་གྱིས་ནི་འགྱིང་བ་དང་།། ཕྲག་དོག་བརྐམ་དང་ཚུལ་ཉམས་ཚེ།། ཁ་རོག་འདུག་དང་བདེ་བ་ཐོབ།། གང་ཚེ་མེ་ཡི་རུས་རྣམས་དང་།། རིགས་རྣམས་ཤེས་པ་མ
357b7 ཡིན་པའི།། མི་དང་ལྷན་ཅིག་འདུག་པ་ན།། དེ་ཚེ་ང་རྒྱལ་བྱར་མི་རུང་།། གཞན་གྱི་ཡུལ་ན་འདུག་པ་དང་།། གཞན་གྱི་འཚོ་བས་འཚོ་བའི་ཚེ།། ཡུལ་གྱི་ཕྱིར་དང་བདེ་བའི་ཕྱིར།།
iiif viewer powered by OpenSeadragon
