| e-texts navigator |
| Wylie |
354a1 དང་། རྒྱས་པར་བྱོས་ཤིག། རིགས་ཀྱི་བུ་སྡུག་བསྔལ་ཐམས་ཅད་དང་། སྐྱེ་བ་དང་། རྒ་བ་དང་། ན་བ་དང་། འཆི་བ་དང་། སྡུག་བསྔལ་བ་དང་། ཡིད་མི་བདེ་བ་དང་། འཇུག་པ་ཆེན་པོ་ལས།
354a2 ཡོངས་སུ་གྲོལ་བར་འགྱུར། འཁོར་བའི་ཞག་པ་ལས་ཡོངས་སུ་གྲོལ་བར་འགྱུར་རོ།། འཕགས་པའི་ལམ་ཡན་ལག་བརྒྱད་པའི་དགེ་བའི་རྩ་བ་ལ་སྒྲུབ་པར་བྱོས་ཤིག། བག་མེད་པའི་གནས་ལས་སླར་ལྡོག་པར་བྱོས
354a3 ཤིག། རིགས་ཀྱི་བུ་དེ་བཞིན་གཤེགས་པའི་བསླབ་པ་གཅིག་ཡུད་ཙམ་བཟུང་བས་ཀྱང་། སེམས་ཅན་རྣམས་སྡུག་བསྔལ་ཐམས་ཅད་ལས་ཡོངས་སུ་གྲོལ་ཞིང་། བདེ་འགྲོར་འགྲོ་སྟེ། ངན་འགྲོར་མི་འགྲོ་བར་འགྱུར་ན། གང
354a4 དག་རྒོད་པ་དང་། ཀུ་རེ་དང་། དགའ་བ་དང་། རྩེད་མོ་རྣམས་ཡིད་ཀྱིས་ཡོངས་སུ་སྤངས་ནས། དེ་བཞིན་གཤེགས་པ་ལ་མཆོག་ཏུ་མོས་པས་རིམ་གྲོ་བྱེད་ཅིང་། ལྷག་པའི་བསམ་པས་ཞུགས་ཏེ། འཕགས་པའི
354a5 བར་གནས་པར་ཡན་ལག་བརྒྱད་པ་ལ་ཉེ་བར་གནས་ནས། གསོ་སྦྱིན་ཡང་དག་པར་བླངས་ཏེ། སྤྱད་པ་དེ་དག་ངན་སོང་གསུམ་དུ་མི་སྐྱེ་ཞིང་། བདེ་འགྲོར་འགྲོ་བར་འགྱུར་བ་དང་། ལྷ་དང་མིའི་བདེ་བ་མྱོང་ནས་སྡུག
354a6 བསྔལ་མཐར་བྱས་ཏེ། རིམ་གྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར་བ་ལྟ་ཅི་སྨོས། བུད་མེད་ཀྱི་ལུས་ཉོན་མོངས་པ་དང་། ཉེ་བའི་ཉོན་མོངས་པས་ཉོན
354a7 མོངས་པར་གྱུར་པ་ལ་ལ་ཞིག་ཉིན་གཅིག་གམ། ཉི་མ་ཕྱེད་དམ། ཡུད་ཙམ་ཡང་རུང་སྟེ། གསུམ་ལ་སྐྱབས་སུ་འགྲོ་བ་ཡང་དག་པར་ལེན་ཅིང་བསླབ་པ་འཛིན་པར་བྱེད་ན། དེ་དག་ཐམས་ཅད་བུད་མེད་ཀྱི་དངོས
iiif viewer powered by OpenSeadragon
