| e-texts navigator |
| Wylie |
353a1 བ་ལ་གཙང་བའི་འདུ་ཤེས་ཅན་གྱིས་སངས་རྒྱས་དང་། ཆོས་དང་། དགེ་འདུན་ལ་མཆོད་པ་བྱེད་པར་མི་འགྱུར་ཏེ། བྱིས་པའི་བློ་ཅན་དེ་དག་དགེ་བའི་བཤེས་གཉེན་མི་ཚོལ་གྱིས། གང་དེ།
353a2 ལྟ་བུའི་སེམས་ཅན་དེ་དག་ཆོས་སྟོན་པ་དེ་དག་ལ་བགོད་ཅིང་ཀྱལ་ཀ་བྱེད་པ་མང་བར་འགྱུར་གྱི། དད་པར་མི་བྱེད་ཡིད་ཆེས་པར་མི་བྱེད་དེ། དེ་ལྟ་བུའི་སེམས་ཅན་དེ་དག་ནི་སྡིག་པ་སྤྱོད་དེ། དེ་དག་གི་འཚོ་བའི
353a3 ཁམས་དེས་ལས་ཀྱི་རྐྱེན་ཇི་ལྟ་བ་བཞིན་དུ་མྱོང་བར་འགྱུར་བའི་བགོ་བའི་ལུས་བླངས་ནས། སྡུག་བསྔལ་ལ་དགའ་བའི་འདུ་ཤེས་སྐྱེད་དོ།། རིགས་ཀྱི་བུ་དེ་ལྟ་བས་ན་དེ་བཞིན་གཤེགས་པས་བཀའ་སྩལ་པ། འདི་ནི།།
353a4 ལས་ཀྱི་རྐྱེན་ཡིན་པར་བལྟ་སྟེ། འདི་ལ་སུ་ཡང་འཆི་བ་མེ། འཚོ་བ་མེད། བདེ་བ་དང་། སྡུག་བསྔལ་ཡང་མྱོང་བར་མི་འགྱུར་ཏེ། ལས་ཀྱི་སྒྱུ་ལས་ཀྱི་རྐྱེན་གྱིས་སྐྱེ་བ་དང་། འགག་པར་འགྱུར་རོ།། སེམས
353a5 ཅན་དེ་དག་གི་དོན་དུ་དེ་བཞིན་གཤེགས་པ་རྣམས་ཀྱི་དཀའ་བ་སྤྱད་པ་བྱེ་བ་ཁྲག་ཁྲིག་བརྒྱ་སྟོང་དུ་མ་མཛད་ནས། བདོག་པ་ཐམས་ཅད་ཡོངས་སུ་བཏང་ནས། བླ་ན་མེད་པ་ཡང་དག་པར་རྫོགས་པའི་བྱ
353a6 ཆུབ་ཏུ་མངོན་པར་རྫོགས་པར་སངས་རྒྱས་པར་འགྱུར་ཏེ། སེམ་མ་ཐམས་ཅད་ཀྱང་མྱ་ངན་ལས་འདས་པ་ཆེན་པོ་ལ་བཀོད་དོ།། དེ་ནས་དེའི་ཚེ་ན་དེ་བཞིན་གཤེགས་པའི་བྱིན་རླབས་ཀྱིས་ས་ཆེན་པོ་གཡོས་པ
353a7 གྱུར་ཏོ།། ཇི་ལྟར་ལྷགས་པའི་འཁོར་དེ་དག་གིས་ཀྱང་བཅོམ་ལྡན་འདས་ལ་ལེགས་སོ་ཞེས་བྱ་བ་གསོལ་ཏོ།། རྒྱལ་པོ་གསལ་རྒྱལ་དང་། གཞན་ཡང་མཐུ་ཆེན་པོ་མཐུ་ཆེ་བ་རྫུ་འཕྲུལ་ཆེན་པོ་མང་པོས
iiif viewer powered by OpenSeadragon
