| e-texts navigator |
| Wylie |
350b1 ལོ་འབུམ་དུ་མཆོད་པར་འགྱུར་རོ།། གང་ཡང་འཛམ་བུའི་གླིང་འདི་དེ་བཞིན་གཤེགས་པའི་རིང་བསྲེལ་གྱི་མཆོད་རྟེན་རིན་པོ་ཆེ་སྣ་བདུན་ལས་བྱས་པས་གང་བར་བྱས་ཏེ། ལྷའི་ཕྲེང་བ་དང་། དྲུག་པ་དང་།
350b2 མེ་ཏོག་དང་། མར་མེ་དང་། རིན་པོ་ཆེའི་གདུགས་དང་། སིལ་སྙན་དང་། རྒྱལ་མཚན་དང་། བ་དན་རྣམས་ཀྱིས་ལོ་འབུམ་དུ་བཀུར་སྟི་བྱས་ཏེ། བརྗོད་ཅིང་མཆོད་པ་བྱས། གང་ཆོས་ཀྱི་རྣམ
350b3 གྲངས་འདི་འཆང་བ་དང་། ཀློག་པ་དང་། མཆོད་པ་དང་། འདྲ་བ་དང་། འདིར་འཇུག་པ་དང་། གཞན་དག་ལ་ཡང་དག་པར་རབ་ཏུ་བསྟན་ན། དེ་བས་འདི་ཆེས་བསོད་ནམས་མང་དུ་འཕེལ་ལོ།།
350b4 རིགས་ཀྱི་བུ་གང་ལ་ལ་ཞིག་གིས་འཛམ་བུའི་གླིང་སེམས་ཅན་དེ་དག་འཕགས་པའི་ལམ་ཡན་ལག་བརྒྱད་པ་ལ་གནོག་ཅིང་བཞག་ནས་ཀྱང་ལྷའི་ལོ་སྟོང་དུ་ཡོ་བྱད་ཐམས་ཅད་ཀྱིས་མི་བྲེལ
350b5 བར་བརྗེད་ཅིང་། མཆོད་པ་བས་གང་གིས་ཆོས་ཀྱི་རྣམ་གྲངས་འདི་ལས་ཚིག་བཞི་པའི་ཚིགས་སུ་གཅད་པ་ཙམ་ཡང་མཉན་པ་དང་། འཆང་བ་དང་། འདྲི་བ་དང་། འདྲིར་འཇུག་པ་དང
350b6 གཞན་ལ་རྒྱས་པར་བྱེད་ན། དེ་བས་འདི་ཆེས་བསོད་ནམས་མང་དུ་འཕེལ་ལོ།། དེ་ནས་བཅོམ་ལྡན་འདས་ཀྱིས་དོན་འདི་ཉིད་རྒྱ་ཆེར་བརྗོད་པར་བྱ་བའི་ཕྱིར། དེའི་ཚེ་ཚིགས་སུ་བཅད་པ་འདི་དག
350b7 གསུངས་སོ།། ཞིང་སྟོང་བྱེ་བ་གཞན་དུ་གནས་པ་ཡི།། སངས་རྒྱས་མཁས་པ་མཐའ་ཡས་བྱེ་བ་དག། སེམས་ཅན་རྣམས་ཀྱི་ཕྱིར་ནི་དགོས་མཛད་ཅིང་།། ངན་འགྲོ་ལས་ནི་སེམས་ཅན་ཐར་པར་མཛད།།
iiif viewer powered by OpenSeadragon
