| e-texts navigator |
| Wylie |
350a1 རིགས་ཀྱི་བུ་འམ། རིགས་ཀྱི་བུ་མོ་འམ། རྒྱལ་པོ་འམ་བློན་པོ་འམ། དགེ་སློང་ངམ་དགེ་སློང་མ་འམ། དགེ་བསྙེན་རྣམས་དགེ་བསྙེན་མ་ལ་ལ་ཞིག་གིས་ཆོས་ཀྱི་རྣམ།
350a2 གྲངས་འདི་དེ་བཞིན་གཤེགས་པ་ལ་དད་པས་བཅངས་པ་དང་། མཆོད་པ་དང་། འདྲི་བ་དང་། འདྲིར་འཇུག་པ་དང་། ཡང་དག་པར་བསྟན་ན། དེས་ཡོན་ཏན་ཆེན་པོ་བརྒྱད་ཐོབ་པར་འགྱུར་ཏེ་བརྒྱད
350a3 གང་ཞེ་ན། གང་དག་འཇིག་རྟེན་ན་ནད་དང་། གནོད་པ་དེ་དག་དེ་ལ་ཐམས་ཅད་ཀྱི་ཐམས་ཅད་དུ་མི་འབྱུང་བ་དང་། གང་འཇིག་རྟེན་ན་གནོད་སྦྱིན་དང་། འབྱུང་པོ་དང་། ཤཱ་ཟ་མདངས་འཕྲོག་པ
350a4 དེ་དག་ཐམས་ཅད་བྱམས་པ་ལ་གནས་པར་འགྱུར་བ་དང་། གང་དག་གཤེད་བྱེད་དང་། བྱད་དང་། སྔགས་དང་། རོ་ལངས་གཞན་གྱི་གནོད་པ་དག་དེའི་ལུས་ལ་གནོད་པར་མི་འགྱུར་བ་དང་། རྒྱལ་པོ།
350a5 དང་བློན་པོ་དང་། བྲམ་ཟེ་དང་། ཁྱིམ་བདག་དང་། དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་ཐམས་ཅད་དེ་ལ་དགའ་ཞིང་མགུ་བར་གྱུར་ནས། དེའི་དོན་ཐམས་ཅད
350a6 གྲུབ་པར་འགྱུར་བ་དང་། ལྷ་ཐམས་ཅད་ཀྱིས་ཡོངས་སུ་གཟུང་བར་འགྱུར་བ་དང་། བདེ་འགྲོར་འགྲོ་བར་འགྱུར་བ་དང་། ལག་ན་རྡོ་རྗེས་ཡོངསུ་བཟུང་བར་འགྱུར་བ་དང་། ཇི་ལྟར་འདོད་པའི་གནས་སུ་སྐྱེ
350a7 ཞིང་ཚེ་རབས་དྲན་པར་འགྱུར་བ་སྟེ། ཡོན་ཏན་ཆེན་པོ་དེ་བརྒྱད་ཐོབ་པར་འགྱུར་རོ།། དེས་ན་དེ་བཞིན་གཤེགས་པ་འདི་དག་ལ་དེ་བཞིན་གཤེགས་པའི་ལྷའི་མཆོད་པ་དང་མངོན་སུམ་དུ་མཆོད་པས
iiif viewer powered by OpenSeadragon
