| e-texts navigator |
| Wylie |
349a1 ངན་འགྲོའི་སྒོ་ཐམས་ཅད་གཅོད་པར་བྱེད། བདེ་འགྲོའི་སྒོ་དང་། སངས་རྒྱས་ཀྱི་ཞིང་གི་སྒོ་རྣམས་ནི་འབྱེད་དེ། རིགས་ཀྱི་བུ་དེ་ལྟར་ན་དེ་བཞིན་གཤེགས་པ་རྣམས་ཀྱི་ཐབས་མཁས
349a2 པ་དང་སྨོན་ལམ་དང་། རྣམ་པར་འཕྲུལ་པ་དང་། བྱིན་གྱིས་བརླབས་དང་། ཏིང་ངེ་འཛིན་སྣ་ཚོགས་པས་མྱ་ངན་ལས་འདས་ནས་བསྐལ་པ་བརྒྱ་ལོན་པ། འཇིག་རྟེན་གྱི་ཁམས་སྣ་ཚོགས་ན་གནས་པ་དག
349a3 མཉན་ཅིང་། མཆོད་པ་གཅིག་ནས་གཅིག་ཏུ་བརྒྱད་པ་ཉིད་ཀྱིས། ངན་སོང་ཐམས་ལྔས་ཡོངས་སུ་ཐར་ཏེ། བདེ་འགྲོར་བཀོད་པར་འགྱུར་ན། གང་འཆང་བ་དང་། ཀློག་པ་དང་། འདྲི་བ་དང་། འདྲིར
349a4 འཇུག་པ་དང་། གཞན་ལ་རྒྱ་ཆེར་ཡང་དག་པར་སྟོན་པ་ལྟ་སྨོས་ཀྱང་ཅི་དགོས་ཏེ། ཡོན་ཏན་དེ་དག་རིགས་ཀྱི་བུ་འམ། རིགས་ཀྱི་བུ་མོས་ཡོངས་སུ་བཟུང་བར་གྱུར་ཏེ། དེའི་བསོད་ནམས་མངོན་པར་འདུ་བྱ
349a5 བ་དང་། དགེ་བའི་རྩ་བ་མངོན་པར་འདུ་བྱ་བའི་ཡོན་ཏན་དེ་ནི་དེ་བཞིན་གཤེགས་པ་མ་གཏོགས་པར་བརྗོད་པར་སླ་བ་མ་ཡིན་ནོ།། རྒྱལ་པོ་ཆེན་པོ་དེ་ལྟ་བས་ན་ཡོན་ཏན་འདི་དག་ལ་ཆོས་ཀྱི་རྣམ་གྲངས་འདི་བཅང་བར
349a6 བྱའོ།། ཀློག་པར་བྱའོ།། བཤད་པར་བྱའོ།། མཆོད་པར་བྱའོ།། དཀོན་མཆོག་གསུམ་ལ་དད་པ་མི་ཕྱེད་པར་བྱའོ།། དེ་བཞིན་གཤེགས་པ་ལ་རྟག་ཏུ་མཆོད་ཅིང་བསྙེན་བཀུར་བྱ་བ་དང་། དེ་བཞིན
349a7 གཤེགས་པའི་བསྟན་པ་ཡང་དག་པར་བཟུང་བར་བྱའོ།། འཁོར་བ་ལས་ཡིད་སྐྱོ་ཞིང་བག་ཡོད་པ་དང་། འཁོར་བ་སྐད་ཅིག་མར་ཡིད་ལ་བྱེད་པ་དང་ལྡན་པར་བྱའོ།། ཡང་རྒྱལ་པོ་ཆེན་པོ་འདོད་པ་ལ་བསྟེན་པས།
iiif viewer powered by OpenSeadragon
