| e-texts navigator |
| Wylie |
67a1 ནས་རྫོགས་པར་བསྙེན་པར་གྱུར་ཏོ།། དེ་ནས་དེ་བཞིན་གཤེགས་པ་མཆོག་ཏུ་སྐྱེས་པས། དེའི་ལྷག་པའི་བསམ་པ་ཐུགས་ཀྱིས་མཁྱེན་ནས། མཐར་གྱིས་ཡོངས་སུ་སྨིན་པར་མཛད་ཅིང་།
67a2 བྱང་ཆུབ་སེམས་དཔའི་སྤྱོད་པ་རྣམས་རྒྱ་ཆེར་ཡང་དག་པར་བསྟན་པ་འཇིགས་སུ་རུང་བས་ཐོས་པས། མི་སྐྱེ་བའི་ཆོས་ལ་བཟོད་པ་ཐོབ་ནས། སངས་རྒྱས་ཀྱི་བསྟན་པ་ལས་ཕྱིར་མི་ལྡོག་པ་ཐོབ་པར་གྱུར་ཏོ།།
67a3 གླང་དེའང་དེ་བཞིན་གཤེགས་པ་དེས་རྟེན་ཅིང་འབྲེལ་པར་འབྱུང་བའི་ཆོས་ཀྱི་ཚིག་སྟོན་པའི་གསུང་སྒྲ་ཤིན་ཏུ་གྱ་ནོམ་པ་ཐོས་ནས།། སེམས་ལ་རབ་ཏུ་དགའ་བ་སྐྱེས་པས། ཤི་འཕོས་པའི་འོག་ཏུ་དགའ་ལྡན་གྱི
67a4 ལྷའི་གནས་སུ་སྐྱེས་ནས། བྱམས་པ་དང་ཕྲད་དེ་ཡང་དག་པའི་དད་པ་དང་ལྡན་པར་གྱུར་ཏོ།། ཀློག་ཐོབ་དེ་ལྟར་ན་སེམས་ཅན་རྣམས་ཀྱི་སྤྱོད་པ་ནི་ཤིན་ཏུ་ཟབ་པ་དང་། རྣམ་པར་རིག་པར་དཀར
67a5 ཞིང་། ཤེས་པར་དཀའ་བ་ཡིན་ཏེ། དེའི་ཕྱིར་ཀློག་ཐོབ་བྱང་ཆུབ་སེམས་དཔའ་གང་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡོངས་སུ་གཉེར་བར་འདོད་པས། སེམས་ཅན་གྱི་དབང་པོ་དང་།
67a6 སྤྱོད་པ་དག་ལ་ཤིན་ཏུ་མཁས་པར་བྱས་ནས། སེམས་ཅན་ཐམས་ཅད་ལ་མཉམ་པའི་སེམས་དང་། བོགས་པ་མེད་པའི་སེམས་ལ་རབ་ཏུ་གནས་ཏེ། ཆོས་ཐམས་ཅད་ལ་རྟག་ཏུ་མངོན་པར་ཞེན་པ
67a7 མེད་པར་བྱའོ།། ཅི་བདོག་པའི་རྣམས་ཡོངས་སུ་སྤངས་ཏེ། ཚུལ་ཁྲིམས་རྣམ་པར་དག་པ་བསྒྲུབ་པར་བྱའོ།། བཟོད་པ་ལ་གནས་པར་བྱའོ།། བརྩོན་འགྲུས་བསྐྱེད་པར་བྱའོ།། བསམ་གཏན་དང་ཏིང
iiif viewer powered by OpenSeadragon
