| e-texts navigator |
| Wylie |
65b1 འཇིག་རྟེན་དུ་བྱུང་ངོ་།། འཇིག་རྟེན་གྱི་ཁམས་ནི་འོད་ཟེར་ཅན་ཞེས་བྱ་བ་སྟེ། རྒྱལ་པོའི་ཟོང་ཁྱེར་རབ་ཏུ་བདེ་བ་ཞེས་བྱ་བའི་ཚལ་ན་བཞུགས་སོ།། དེའི་ཚེ་ཤུན་པ་འཇིགས་སུ་རུང་བ
65b2 ཞེས་བྱ་བ་ཁྲིག་ཏུམ་ཆེ་ཞིང་གསོད་པ་ལ་དགའ་བ། བཟོད་པ་དང་བྱམས་པའི་སེམས་མེད་པ། ལག་པ་ཁྲག་གིས་བཀྲུས་པ་མཐོང་བ་ཐམས་ཅད་སྐྲག་པར་འགྱུར་བ་ཞིག་ཡོད་དེ། དེའི་ཚེ་ཤན་པ་དེས་གླེང་ཞིག
65b3 ཁང་པའི་ནང་དུ་བཅིངས་ཏེ། ནང་དུ་ཞུགས་ནས་གསོད་པར་བྱས་པ་ལས། གླང་དེས་དེ་མཐོང་ནས་ཤིན་ཏུ་སྐྲག་པས་ཐག་པ་བཅད་དེ་བྲོས་ནས། དེ་བཞིན་གཤེགས་པ་མཆོག་ཏུ་སྐྱེས་པ་བཞུགས་པའི་ཚལ་ག་ལ
65b4 བ་དེར་སོང་ངོ་།། དེའི་ཚེ་ཤན་པ་དེའང་མཚོན་ཐོགས་ནས་ཕྱི་བཞིན་དུ་བསྙགས་པས། ཀླང་དེ་སྐྲག་ནས་གཡངས་ཟབ་མོ་ཞིག་ཏུ་ལྷུང་བས་སྲོག་ཆད་ལ་ཐུག་པ་ཙམ་དུན་ཞིང་སྡུག་བསྔལ་བས་སྨྲ་བྱུང་ངོ་།།
65b5 དེའི་ཚེ་ཤན་པས་གླང་དེ་མཐོང་ནས། ཞེ་སྡང་ཆེར་སྐྱེས་ཏེ་གཡངས་ཟབ་མོ་དེ་ཉིད་དུ་ཞུགས་ནས་མཚོན་ཐོགས་ཏེ། གསད་པར་བྱས་པ་ལས་མཚོན་མ་བཏབ་པོའི་བར་སྐབས་དེར།
65b6 དེའི་ཚེ་དེ་བཞིན་གཤེགས་པ་མཆོག་ཏུ་སྐྱེས་པ་ཚལ་དེར་འཁོར་མང་པོ་བརྒྱ་སྟོང་ཚད་མེད་པས་ཡོངས་སུ་བསྐོར་བ་དག་ལ། རྟེན་ཅིང་འབྲེལ་པར་འབྱུང་བའི་ཆོས་ཀྱི་རྣམ་གྲངས་འདི་ལྟ
65b7 སྟེ་མ་རིག་པའི་རྐྱེན་གྱིས་འདུ་བྱེད་འདུ་བྱེད་ཀྱི་རྐྱེན་གྱིས་རྣམ་པར་ཤེས་པ་རྣམ་པར་ཤེས་པའི་རྐྱེན་གྱིས་མིང་དང་གཟུགས་མིང་དང་གཟུགས་ཀྱི་རྐྱེན་གྱིས་སྐྱེ་མཆེད་དྲུག་སྐྱེ
iiif viewer powered by OpenSeadragon
