| e-texts navigator |
| Wylie |
65a1 འདི་དག་ཐམས་ཅད་ནི་བདག་གིས་ཉེས་པ་ཡིན་ནོ་སྙམ་དུ་སེམས་སོ།། དེ་ཅིའི་ཕྱིར་ཞེ་ན། བདག་གིས་སེམས་ཅན་ཐམས་ཅད་ན་བའི་སྡུག་བསྔལ་དང་ལྡན་པར་གྱུར་པ་དེ་དག་མཐོང་བར་གྱུར་ན།
65a2 སྨན་ཡོངས་སུ་བཙལ་ཏེ། ཐབས་མཁས་པས་ཡོངས་སུ་གསོ་བའི་རིགས་པ་ལས་བདག་སྔོན་སེམས་ཅན་གྱི་ནང་བསལ་བར་ཡི་དམ་བཅས་ན། དེང་ཡལ་བར་དོར་བ་འདི་ཉིད་བདག་གི་ཉེས་ཡིན་ནོ་སྙམ་དུ་སེམས
65a3 པས་སོ།། བྱང་ཆུབ་སེམས་དཔའ་ནི་དེ་ལྟ་བུའི་བསམ་པ་དང་ལྡན་པས་བདག་ཉིད་ཀྱི་ཉེས་པ་ལ་ལྟ་ཞིང་། སེམས་ཅན་རྣམས་ལ་བྱམས་པའི་སེམས་སྐྱེད་པར་བྱེད་དོ།། གལ་ཏེ་གསོད་པ་འམ། ལུས་ཀྱི་ཡན
65a4 ལག་དང་ཉིང་ལག་གཅོད་ཅིང་གཏུབ་པ་ཞིག་དང་ཕྲད་པར་གྱུར་ནའང་། ཕ་རོལ་གནོད་པ་བྱས་པ་དེ་དག་ལ་ལན་བྱའོ་སྙམ་པའི་བསམ་པ་མེད་དོ།། གློག་ཐོབ་བྱང་ཆུབ་སེམས་དཔའ་དེ་ལྟར་ཡང་དག་པར་སྒོམ་པ་ན
65a5 འདས་པའི་མི་དགེ་བའི་ལས་ཇི་སྙེད་པ་དག་ཀྱང་གཏན་དུ་ཟད་ཅིང་། མ་ལུས་པར་འབྱང་བར་འགྱུར་ལ། མ་འོངས་པའི་མི་དགེ་བ་རྣམས་ནི་ཡང་ལྡང་བར་མི་འགྱུར་རོ།། གློག་ཐོབ་སྔོན་བྱུང
65a6 བ་འདས་པའི་བསྐལ་པ་ཚད་མེད་གྲངས་མེད་པ། དེ་བཞིན་གཤེགས་པ་མར་མེ་མཛད་ཀྱི་ཡང་ཆེས་སྔ་རོལ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ
65a7 ལྡན་པ། བདེ་བར་གཤེགས་པ། འཇིག་རྟེན་མཁྱེན་པ་བླ་ན་མེད་པའི་སྐྱེས་བུ་འདུལ་བའི་ཁ་ལོ་སྒྱུར་བ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་མཆོག་ཏུ་སྐྱེས་པ་ཞེས་བྱ་བ
iiif viewer powered by OpenSeadragon
