| e-texts navigator |
| Wylie |
64a1 ཅིང་གཟིགས་སོ།། འདོད་ཆགས་ཀྱི་གདུང་བས་ལུས་དང་ངག་གི་ལས་རྣམ་པ་སྣ་ཚོགས་སློང་བར་བྱེད་པ་དག་ཀྱང་ངས་རབ་ཏུ་མཁྱེན་ཅིང་གཟིགས་སོ།། ཞེ་སྡང་སྤྱོད་པའི་སེམས་ཅན་ཞེས
64a2 གི་ཟིལ་གྱིས་ནོན་ནས། གཅིག་ལ་གཅིག་ཞེ་སྡང་གིས་བྲག་དོག་བྱེད་པ་དང་། གནོད་པ་བྱས་པའི་ཕྱིར་མནར་མེད་པའི་གནས་སུ་ལྟུང་བར་འགྱུར་བ་དག་ཀྱང་ངས་རབ་ཏུ་མཁྱེན་ཅིང་གཟིགས་སོ།། གཏི་མུག་སྤྱོད་པ་དང།
64a3 མཚུངས་པར་ལྡན་པའི་སེམས་ཅན་རྣམས་མ་རིག་པའི་མུན་ནག་གིས་བསྒྲིབས་ཤིང་རྨོངས་པའི་མངོན་པར་ཞེན་པ་དང་། ལོག་པར་ལྟ་བའི་རྗེས་སུ་འབྲང་བ་ལ་མོས་པར་གྱུར་པ་དག་ཀྱང་ངས་རབ་ཏུ་མཁྱེན་ཏོ།།
64a4 འོས་སུ་གྱུར་པ་དང་། འོས་སུ་མི་འགྱུར་བ་དང་། འཕེལ་ཞིང་ཅོལ་བ་དང་བཅས་པ་དང་། ལྡོག་ཅིང་ཉམས་པར་གྱུར་པ་དང་། དེ་བཞིན་གཤེགས་པའི་ཐེག་པར་དགེ་བའི་རྩ་བ་བསྐྱེད་པ་དང་།
64a5 རང་སངས་རྒྱས་ཀྱི་ཐེག་པར་དགེ་བའི་རྩ་བ་བསྐྱེད་པ་དང་། ཉན་ཐོས་ཀྱི་ཐེག་པར་དགེ་བའི་རྩ་བ་བསྐྱེད་པ་དག་ཀྱང་ངས་རབ་ཏུ་མཁྱེན་ཏོ།། དེ་བཞིན་གཤེགས་པ་ནི་དེ་ལྟ་བུའི་མཁྱེན་པ་དང་ལྡན་པས
64a6 འཁོར་མང་པོའི་ནང་དུ་བཞུགས་ནས་སེམས་ཅན་གྱི་སེམས་ཀྱི་སྤྱོད་པའི་བྱེ་བྲག་ཀྱང་རབ་ཏུ་མཁྱེན་པས་གལ་ཏེ་དུས་ལ་མ་བབ་པར་རིག་པར་གྱུར་ན་ནི། ཅང་མི་གསུང་ཞིང་བཏིཏང་སྙོམས
64a7 སུ་བཞག་ནས་སེམས་ཅན་འདི་དག་ནི་ཆོས་ལ་རྨོངས་པར་གྱུར་པས་ཁོང་དུ་ཆུད་བར་མ་གྱུར་ཏོ་སྙམ་དུ་དགོངས་སོ།། དེ་བཞིན་གཤེགས་པ་ནི་དབང་པོ་དང་སྟོབས་ཁྱང་པར་འཕགས་པ་ཕུན་སུམ་ཚོགས་ཤིང་།
iiif viewer powered by OpenSeadragon
