| e-texts navigator |
| Wylie |
61a1 རིང་བསྲེལ་གྱི་མཆོད་རྟེན་ངོས་བཞི་ཀུན་ཏུ་ཙན་དན་དམར་པོའི་མུ་ཁྱུད་ཀྱིས་བསྐོར་བ། པདྨ་གསེར་གྱི་ཁ་དོག་དང་ལྡན་པ་བྱེ་བ་ཕྲག་བརྒྱད་ཅུ་བརྩིགས་སོ།། དེའི་ཚེ་དགེ་སློང་དྲི་མ་མེད་པ་ནི
61a2 བཅོམ་ལྡན་འདས་དེས་མང་དུ་ཐོས་པའི་མཆོག་ཏུ་ལུང་བསྟན་པས། དེ་བཞིན་གཤེགས་པ་དེ་ཡོངས་སུ་མྱ་ངན་ལས་འདས་པའི་འོག་ཏུ་དམ་པའི་ཆོས་རྒྱ་ཆེར་སྤེལ་ཏེ། གྲོང་དང་། གྲོང་ཁྱེར་དང་། གྲོང་རྡལ་གང་དང
61a3 གང་དུ་སོང་བ་དེར། སེམས་ཅན་བརྒྱ་སྟོང་ཚད་མེད་པ་སྙེད་ཡོངས་སུ་བཏུལ་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་བཀོད་པར་གྱུར་ཏེ། དེའི་ཚེ་དགེ་སློང་སྡིག་ཅན་མང་པོ་རྣལ་འབྱོར་ཁོང
61a4 དུ་མ་ཆུད་པ། རྟག་པར་ཕྲག་དོག་དང་བཅས་པ། བདུད་ཀྱིས་བསླས་པ་རྣམས་རྒྱལ་པོ་དེ་ག་ལ་བ་དེར་དོང་སྟེ། འདི་སྐད་དུ་རྒྱལ་པོས་བཀུར་བའི་དགེ་སློང་དྲི་མ་མེད་པ་ནི་རྒྱལ་པོའི་ཕོ་བྲང་དུ་འབྱུང་ཞིང
61a5 འཇུག་ལ་ཐགས་ཐོགས་མ་མཆིས་ཏེ། དགེ་སློང་འདི་འདོད་ཆགས་དང་བྲལ་བའང་མ་ལགས་ལ། དུས་མ་ལགས་པར་ཡང་ཟས་འཚལ་ཏེ། སྤོས་དང་འཕྲེང་བ་དག་གིས་ཀྱང་ལུས་བརྒྱན་པར་བགྱིད་པས།།
61a6 ཡང་དག་པར་ཚངས་པར་སྤྱོད་པ་མ་ལགས་པས། མཆོད་པ་མཛད་པའི་མི་རིགས་སོ།། བདག་ཅག་ནི་དོན་འདིའོ་སླད་དུ་འདིར་མཆིས་ནས་རྒྱལ་པོ་ལ་གསོལ་བ་ལགས་ཀྱིས། སླད་ཀྱིས་འགྱོད་པར་ཡང
61a7 མ་མཛད་ཅིག། སངས་རྒྱས་ཀྱི་ཡང་དག་པའི་བསྟན་པ་ལ་ཐུགས་མི་ཆེས་པའང་མི་བསྐྱེད་དུ་གསོལ་ཞེས་སྨྲས་སོ།། དེའི་ཚེ་བདུད་སྡིག་ཅན་ཞེས་བྱ་བ་ཞིག་ཀྱང་བདག་ཉིད་དགེ་སློང་གི
iiif viewer powered by OpenSeadragon
