| e-texts navigator |
| Wylie |
60b1 སེམས་ཅན་ཡོངས་སུ་སྨིན་པར་བྱེད་པ་ལ་རྟག་པར་དལ་བ་མེད་པ། རེ་བ་མེད་པར་ཆོས་སྟོན་པ། མདོག་གསལ་ཞིང་གསོང་པོར་སྨྲ་བ། གཟུགས་དང་སྟོབས་ཕུན་སུམ་ཚོགས་པ། བྱང་བཞིན་སྡུག་ཅིང་མ
60b2 བ་སེམས་ཅན་རྣམས་ཀྱིས་མཐོང་བར་མོས་ཤིང་། རིམ་གྲོ་དང་། བཀུར་སྟི་དང་བླ་མར་བྱེད་ཅིང་བསྔགས་པ་བརྗོད་པ་ཞིག་ཡོད་དེ། དགེ་སློང་གསར་བུ་དག་ཀྱང་དག་པར་དྲི་མ་མེད་པའི་རྗེས།
60b3 སུ་འབྲང་ཞིང་། རྒྱལ་པོའི་ཕོ་བྲང་འཁོར་དུ་འབྱུང་ཞིང་འཇུག་པ་དག་ལ་ཐོགས་པ་མེད་པར་གྱུར་པས་གོས་དང་། བཟའ་བ་དང་། བཏུང་བ་དང་། མལ་སྟན་དང་། ན་བའི་གསོས་སྨན་རྣམ་པསྣ
60b4 ཚོགས་ཀྱིས་ཀྱང་རིམ་གྲོ་བྱས་པར་གྱུར་ཏོ།། དེའི་ཚེ་འཁོར་མང་པོ་དེ་ལས་དགེ་སློང་ཕལ་ཆེར་ལུས་ཀྱི་སྡོམ་པ་དང་། སེམས་ཀྱི་ཤེས་རབ་སྒོམ་པ་མི་ཤེས་པ་སངས་རྒྱས་དང་། ཆོས་དང
60b5 དགེ་འདུན་ལ་གུས་པ་མེད་པ། རྟག་པར་ལྟ་བ་དང་། ཆད་པར་ལྟ་བ་དང་། བདག་ཏུ་ལྟ་བ་ལ་སོགས་པ་དང་ལྡན་པ་དང་། སངས་རྒྱས་ཀྱི་ཆོས་ལ་སྐུར་པ་འདེབས་པ། རྣམ་པར་གཡེར་ཞིང་གདུལ
60b6 དཀའ། དབང་པོ་རྣམས་མི་སྡོམ་པ། ཆོས་བཞིན་མ་ཡིན་པ་ལ་གནས་པ། དགེ་སློང་གི་ཚུལ་མེད་པར་བདག་ཉིད་དགེ་སྦྱོང་དུ་ཁས་འཆེ་བ། ལུས་དང་། ངག་དང་། ཡིད་ཀྱི་ལས་ཐམས་ཅད་ལོག་པར
60b7 ཞུགས་པ་ཤ་སྟག་གནས་པར་གྱུར་ཏོ།། དེའི་ཚེ་བཅོམ་ལྡན་འདས་དེ་དབྱར་འདས་ནས་ཡོངས་སུ་མྱ་ངན་ལས་འདས་པ་དང་། རྒྱལ་པོ་རྒྱ་ཆེར་བྱིན་པས་ཙན་དན་དམར་པོས་སྐུ་ཞུགས་ལ་བཞེན་ནས་མཆོད་པ་བྱས་ཏེ།
iiif viewer powered by OpenSeadragon
