| e-texts navigator |
| Wylie |
59a1 ཡོངས་སུ་མི་གཙང་བའི་ཕྱིར། ཞེ་སྡང་ཆེན་པོ་སྐྱེས་ནས་གུས་པར་མི་འགྱུར་བས། ལས་དེའི་དབང་གིས་ལུས་ཞིག་སྟེ་ཤི་བའི་འོག་ཏུ་སེམས་ཅན་དམྱལ་བ་ཆེན་པོར་ལྟུང་བར
59a2 འགྱུར་ཡང་འདི་ལྟར་བྱང་ཆུབ་སེམས་དཔའ་ཤིན་ཏུ་གསང་བས་གདུལ་བའི་རྒྱུ་དང་རྐྱེན་གྱིས་པ་ན་མ་ཐོ་བའི་རྣམ་པ་ཡོངས་སུ་ཟད་ནས། གདོན་མི་ཟ་བའི་མཉམ་པ་ཉིད་འཐོབ་པ་ལ་རབ་ཏུ་བཀོད་པར་བྱེད་དོ།།
59a3 གློག་ཐོབ་འདི་ལྟ་སྟེ། དཔེར་ན་མེ་རབ་ཏུ་འབར་བ་ནི་རྩཝ་དང་ཤིང་དང་ཕྲད་པར་གྱུར་པ་ན། ཐམས་ཅད་རབ་ཏུ་འབར་ཞིང་མེའི་ཕུང་པོ་ཉིད་དུ་མངོན་པར་འགྲུབ་པར་འགྱུར་རོ།། དེ་བཞིན་དུ་བྱང་ཆུབ་སེམས
59a4 དཔའ་ཡང་ཡེ་ཤེས་ཀྱི་མེ་འབར་བར་གྱུར་པ་ན། སེམས་ཅན་རྣམས་ཀྱི་འདོད་ཆགས་དང་། ཞེ་སྡང་དང་། གཏི་མུག་དང་། དགེ་བ་དང་། མི་དགེ་བ་ཇི་སྙེད་པ་དེ་དག་བྱང་ཆུབ་སེམས་དཔའ་དང་ལྷན་ཅིག་འགྲོགས
59a5 ཤིང་ཐམས་ཅད་རབ་ཏུ་འབར་ནས། ཤེས་རབ་ཉིད་དུ་མངོན་པར་འགྲུབ་པར་འགྱུར་ཏེ། འདི་ནི་བྱང་ཆུབ་སེམས་དཔའི་མ་འདྲེས་པའི་ཆོས་ཤེས་བྱའོ།། གཞན་ཡང་འདི་ལྟ་སྟེ། དཔེར་ན་རིའི་རྒྱལ་པོ་རི་རབ
59a6 ཀྱི་མ་འདྲེས་པའི་མཚན་ཉིད་ནི། འདི་ལྟ་སྟེ། རིན་པོ་ཆེ་སྣ་བཞི་ལས་མངོན་པར་གྲུབ་པ་ཡིན་པས། སེམས་ཅན་རྣམས་ཀྱང་དེའི་རྗེས་སུ་ཁ་དོག་སྔོན་པོ་དང་། སེར་པོ་དང་། དམར་པོ་དང་། དཀར་པོ
59a7 རྣམ་པ་སྣ་ཚོགས་ཀྱི་མཚན་ཉིད་དུ་གྱུར་པར་བྱེད་དེ། གལ་ཏེ་བཻ་ཌཱུཪྻའི་ངོས་སུ་ཕྱིན་ན་ནི། ཐམས་ཅད་ཀྱང་བཻ་ཌཱུཪྻའི་ཁ་དོག་གཅིག་པ་ཉིད་དུ་འགྱུར་བར་བྱེད་དོ།། གསེར་གྱི་ཁ་དོག་གི་ངོས་སུ་ཕྱིན་ན་ནི
iiif viewer powered by OpenSeadragon
