| e-texts navigator |
| Wylie |
57b1 མོ་བརྒྱ་སྟོང་དུ་རབ་ཏུ་ཕྱེནས། ཡང་དག་པར་སྟོན་པ་གང་ཡིན་པ་དེ་ནི་བྱང་ཆུབ་སེམས་དཔའི་གཏི་མུག་སྤྱོད་པའི་གཏེར་ཅེས་བྱའོ།། ། གཞན་ཡང་ཀློག་ཐོབ་བྱང་ཆུབ་སེམས་དཔའ་སེམས་དཔའ་ཆེན་པོ
57b2 རྣམས་ཀྱི་ཆ་མཉམ་པའི་སྤྱོད་པའི་གཏེར་ཅེས་བྱ་བ་ཇི་ལྟ་བུ་ཡིན་ཞེ་ན། འདི་ལྟ་སྟེ། དཔེར་ན་མེ་ལོང་གི་དཀྱིལ་འཁོར་ཤིན་ཏུ་དག་ཅིང་ཡོངས་སུ་གསལ་བ། དྲི་མ་མེད་པ། ལམ་གྱི་བཞི་མདོར་བཞག་ན།
57b3 གཟུགས་བརྙན་རྣམས་དེར་སྣང་ཞིང་འཕེལ་བ་དང་འགྲིབ་པ་མེད་ཀྱང་། མེ་ལོང་གི་དཀྱིལ་འཁོར་དེ་བདག་ནི་གཟུགས་བརྙན་རྣམ་པ་སྣ་ཚོགས་འདི་དག་སྟོན་པར་བྱེད་དོ་ཞེས་མི་སེམས་མོད་ཀྱི། འོན་ཀྱང
57b4 མེ་ལོང་གི་དཀྱིལ་འཁོར་དེ་ཤིན་ཏུ་བྱི་དོར་ལེགས་པར་བྱས་ན། གཟུགས་བརྙན་གྱི་རྣམ་པ་ཐམས་ཅད་རང་གིས་རབ་ཏུ་སྣང་བར་འགྱུར་རོ།། དེ་བཞིན་དུ་བྱང་ཆུབ་སེམས་དཔའ་ཡང་ཆོས་ཀྱི་དབྱིངས་ཀྱི་མེ
57b5 ལོང་གི་དཀྱིལ་འཁོར་དེ་ཤིན་ཏུ་ལེགས་པར་བྱི་དོར་བྱས་པས། རྩོལ་བ་མེད་པའི་ཏིང་ངེ་འཛིན་ལ་གནས་ནས། སེམས་ཅན་རྣམས་ཀྱི་སེམས་ཀྱི་སྤྱོད་པའི་བྱེ་བྲག་ཇི་ལྟ་བ་བཞིན་དུ་ཆོས་ཀྱི་སྒོ་མོ་བརྒྱ་སྟོང
57b6 དུ་མ་རྣམ་པར་ཕྱེ་སྟེ་བསྟན་ནས། དེ་དག་ཐམས་ཅད་རབ་ཏུ་རྟོགས་ཤིང་རྣམ་པར་གྲོལ་བ་ཐོབ་པར་བྱས་ཀྱང་། ཆོས་ཀྱི་མཚན་མ་དང་། སེམས་ཅ་གྱི་མཚན་མ་སྐྱེད་པར་མི་བྱེད་དོ།། དེ་ཅིའི་ཕྱིར་ཞེ་ན། བྱང་ཆུ།
57b7 སེམས་དཔའ་དེས་ཆོས་ཀྱི་དབྱིངས་ཀྱི་མཚན་ཉིད་ཤིན་ཏུ་ལེགས་པར་རྟོགས་པའི་ཕྱིར་དང་། སྤྱོད་པ་བཞི་པོ་འདི་དག་དང་མཚུངས་པར་ལྡན་པའི་སེམས་ཅན་གང་ཡིན་པ་དེ་དག་ཡང་དག་པ་ཇི་ལྟ་བ་བཞིན་དུ་རབ་ཏུ
iiif viewer powered by OpenSeadragon
