| e-texts navigator |
| Wylie |
53b1 བསྟན་ནས། འཁོར་བའི་ཡོངས་སུ་གདུང་བ་ཐམས་ཅད་བསལ་ཏེ། ལྷ་དང་མི་རྣམས་ལ་འཕགས་པའི་རྣམ་པར་གྲོལ་བའི་བདེ་བསྦྱིན་པར་བྱེད་ཀྱང་། བྱང་ཆུབ་སེམས་དཔའ་དེ་དག་གིས་ཆོས་བསྟན་ཏོ།། བསྟན།
53b2 པར་བྱའོ་སྙམ་དུ་མི་སེམས་ཡོད་ཀྱི། འོན་ཀྱང་རང་གི་རང་གིས་སྙིང་རྗེ་ཆེན་པོའི་བསམས་པ་ལ་གནས་ནས། སེམས་ཅན་རྣམས་ལ་སོ་སོར་བརྟགས་ཏེ། ཙི་རིགས་པར་ཆོས་སྟོན་པར་བྱེད་དོ།། གཞན་ཡང་།
53b3 གློག་ཐོབ་འདི་ལྟ་སྟེ། དཔེར་ན་བརྒྱ་བྱིན་ལྷའི་དབང་པོ་ལ་ལྷའི་བུ་མོ་ཁྲག་ཁྲིག་ཕྲག་བཅུ་གཉིས་ཡོད་པ་དེ་དག། བརྒྱ་བྱིན་ལྔའི་དབང་པོའི་རང་དབང་གི་མཐུའི་དབང་གིས་ལུས་མང་པོ་བསྟན་ནས། ལྷའི་བུ་མོ་དེ
53b4 ངག་དེ་དང་ལྷན་ཅིག་འདོད་པའི་བདེ་བ་ཡོངས་སུ་རྫོགས་པར་མྱོང་བས། དེ་དག་སོ་སོ་ནས་འདི་སྙམ་དུ་བདག་གཅིག་པུ་ནི་དེང་ལྷའི་དབང་པོ་དང་ལྷན་ཅིག་རྩེས་སོ་སྙམ་དུ་སེམས་ཀྱང་། ཡང་དག་པར་ལྷའི་དབང
53b5 པོ་དེ་ལ་མངོན་པར་ཞེན་པར་གྱུར་པ་ཅིའང་མེད་དོ།། བྱང་ཆུབ་སེམས་དཔའ་ཡང་དེ་བཞིན་དུ་སེམས་ཅན་གང་ཡོངས་སུ་བཟླ་བའི་འོས་སུ་གྱུར་པ་དེ་དག་གི་བསམ་པ་ཇི་ལྟ་བ་བཞིན་དུ་ཡོངས་སུ་སྨིན་པར
53b6 བྱེད་ཀྱང་བྱང་ཆུབ་སེམས་དཔའ་ལ་མངོན་པར་ཞེན་པར་གྱུར་པ་མེད་དོ།། གཞན་ཡང་གློག་ཐོབ་འདི་ལྟ་སྟེ། དཔེར་ན་ཉི་མའི་དཀྱིལ་འཁོར་རི་མཐོན་པོའི་རྩ་ལ་ཤར་བའི་ཚེ། འོད་ཀྱིས་འཛམ་བུའི་གླིང
53b7 ཀུན་ཏུ་སྣང་བར་བྱེད་པས།། གང་དུ་སྣང་བར་བྱས་པའི་གནས་དེ་དག་ཏུ་ཁ་དོག་སྔོན་པོ་དང་། སེར་པོ་དང་། དམར་པོ་དང་། དཀར་པོ་རྣམ་པ་སྣ་ཚོགས་རབ་ཏུ་སྟོན་པར་བྱེད་ཀྱང་། ཉི་མའི་དཀྱིལ་འཁོར་དེ་ནི་ཁ་དོག་གཅིག
iiif viewer powered by OpenSeadragon
