| e-texts navigator |
| Wylie |
52a1 བྱང་ཆུབ་ཡོངས་སུ་སྨིན་པར་བྱེད་པའང་ཡོད་དོ།། སེམས་ཅན་ཁ་ཅིག་ནི་བུད་མེད་མཐོང་བ་ན། མངོན་པར་རྟེན་པ་སྐྱེས་པ་མེད་ཀྱང་། བྱིས་ཡིད་ལ་དྲན་པའི་དབང་གིས
52a2 འདོད་ཆགས་ཀྱི་སེམས་སྐྱེས་ནས་དེའི་ཁ་དོག་དང་དབྱིབས་ཡིད་ལ་བྱས་ནས་རྗེས་སུ་ཆགས་པ་སྐྱེ་བར་འགྱུར་བའང་ཡོད་དོ།། སེམས་ཅན་ཁ་ཅིག་ནི་རྨི་ལམ་ན་གཟུགས་ཡིད་དུ་འོང་བ་དག་མཐོང་བའི
52a3 དབང་གིས་འདོད་ཆགས་ཀྱི་མངོན་པར་ཞེན་པ་བསྐྱེད་ནས། ཡིད་ལ་བྱེད་ཅིང་ཡོངས་སུ་གཉེར་བར་བྱེད་པའང་ཡོད་དོ།། སེམས་ཅན་ཁ་ཅིག་ནི་བུད་མེད་ཀྱི་སྒོ་ཟོས་པ་ཙམ་གྱིས་འདོད་ཆགས་ཀྱི
52a4 སྲེད་པ་སྐྱེད་པར་བྱེད་ལ། རེས་འགའ་ནི་མཐོང་བ་ཙམ་གྱིས་འདོད་ཆགས་ཀྱི་སེམས་དང་བྲལ་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡོངས་སུ་སྨིན་པར་བྱེད་པའང་ཡོད་པས། དེའི་ཕྱིར་གློ་གཟོས
52a5 བྱང་ཆུབ་སེམས་དཔའ་ནི་འདོད་ཆགས་ཀྱི་ནང་རྣམ་པ་སྣ་ཚོགས་གང་ཡིན་པ་དང་། འདོད་ཆགས་ཀྱི་སྨན་རྣམ་པ་སྣ་ཚོགས་གང་ཡིན་པ་དེ་དག་ཐབས་མཁས་པས་ལེགས་པར་ཁོང་དུ་ཆུད་ཀྱང་། ཆོས
52a6 དབྱིངས་ལ་གཉིས་སུ་འཛིན་པའི་མཚན་མའང་མེད་ལ་ཆོས་ཀྱི་དབྱིངས་ལ་རྨོངས་པར་གྱུར་པའི་སེམས་ཅན་དེ་དག་ལའང་སྙིང་རྗེ་ཆེན་པོ་བསྐྱེད་པར་བྱའོ།། གློག་ཐོབ་འདོད་ཆགས་དང
52a7 ཞེ་སྡང་དང་། གཏི་མུག་ཅེས་བྱ་བ་དང་ཆོས་ཀྱི་དབྱིངས་ཀྱི་ཡེ་ཤེས་ཞེས་བྱ་བའི་ཆོས་ཅུང་ཟད་ཙམ་ཡང་དམིགས་སུ་མེད་པས་བྱང་ཆུབ་སེམས་དཔའ་འདི་སྙམ་དུ་བདག་གིས།
iiif viewer powered by OpenSeadragon
