| e-texts navigator |
| Wylie |
50a1 འདོགས་མཛད། སེམས་ཅན་ཀུན་ལ་སྙོམས་པར་གཟིགས། འཇིག་རྟེན་ཀུན་གྱི་མགོན་སྐྱབས་མཛད། ལོག་དང་ཡང་དག་ལམ་བསྟན་ནས།། མཐར་ཐུག་པ་དེ་ལ་དགོད་པར་མཛད
50a2 ཡོན་ཏན་མཆོག་ནི་རབ་བསགས་པས་རིན་ཆེན་སྣ་ཚོགས་ཕུང་པོ་འདྲ། འཇིག་རྟེན་ཤེས་རབ་ཉི་མ་ཁྱོད།། ཁམས་གསུམ་མཆོད་འོས་གཙོ་བོ་ལགས།། ཐེག་པ་ཆེན་པོ་བཀས་བཤད་ནས།
50a3 བྱང་ཆུབ་ལ་མ་ནི་རྫོགས་པར་མཛོད།། ཞལ་མཚན་ཟླ་བ་ཉ་བ་འདྲ།། ཞི་གནས་དག་ནི་ཕུན་སུམ་ཚོགས།། ཉེར་འི་ཆོས་ནི་རབ་བསྟན་ནས།། ཉོན་མོངས་རྣམས་ནི་ཞི་བར་མཛད།། བྱང་ཆུབ་སྤྱོད་པ
50a4 བཀས་བཤད་ནས།། སེམས་ཅན་རྣམས་ལ་ཕན་མཛད་གསོལ།། སངས་རྒྱས་ཞིང་དང་སྐུ་ཚེ་དང་།། གཟུགས་སྐུ་དང་ནི་འཁོར་རྣམས་དང་།། འཕྲིན་ལས་གསུམ་དང་ཆོས་རྣམས་ཀྱང་།
50a5 ཐམས་ཅད་ཀུན་ནི་རྣམ་པར་དག། བཅོམ་ལྡན་བྱང་ཆུབ་སེམས་དཔའ་ཡི།། རྣམ་དག་སྤྱོད་པ་བཀས་བཤད་གསོལ།། ཇི་ལྟར་བདུད་ནི་གདུལ་བར་བགྱི།། ཇི་ལྟར་ཆོས་ནི་བསྟན་པར་བགྱི།། ཇི་ལྟར་དྲན
50a6 པ་ཉམས་མི་འགྱུར།། ཁྱོད་ཀྱི་བཀས་ནི་བཤད་དུ་གསོལ། ཇི་ལྟར་དཔའ་བོ་དག་གིས་ནི།། འཁོར་བ་ཀུན་ཏུ་ཞུགས་གྱུར་ཀྱང་།། མཚན་ཉིད་གཅིག་ལ་གནས་བགྱིད་ཅིང་།། ཆོས་ལ་རྟག་ཏུ་གཡོ
50a7 མི་འགྱུར།། ཇི་ལྟར་སངས་རྒྱས་རྣམས་ལ་ནི།། བརྟེན་ཅིང་མཆོད་པ་བགྱིས་ནས་ནི།། རྟག་པར་སངས་རྒྱས་སྐུ་བལྟས་ཀྱང་།། མཐར་ནི་མཚན་མ་སྤོང་འགྱུར་ལགས།། རྣམ་ཐར
iiif viewer powered by OpenSeadragon
