| e-texts navigator |
| Wylie |
49a1 བྱང་ཆུབ་སེམས་དཔའ་སྤྱོད་པ་སྒྱུར་བ་ལ་མཁས་པ་དང་། བྱང་ཆུབ་སེམས་དཔའ་རབ་ཏུ་ཞི་བའི་སྤྱོད་པ་ལ་སོགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་འདི་དག་ནི་གཙོ
49a2 བོར་གྱུར་ཏོ།། གཞན་ཡང་བརྒྱ་བྱིན་ལྷའི་དབང་པོ་དང་། རྒྱལ་པོ་ཆེན་པོ་བཞི་དང་། འཇིག་རྟེན་གྱི་ཁམས་མི་མཇེད་ཀྱི་བདག་པོ་ཚངས་པའི་རྒྱལ་པོ་དང་། མཐུ་ཆེན་པོ་དང་ལྡན་པའི་ལྷ་དང་།
49a3 ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་ལ་སོགས་པའི་འཁོར་ཚད་མེད་པ་རྣམས་དང་ཡང་ཐབས་ཅིག་ཏུ་ཞུགས་སོ།།
49a4 དེ་ནས་དེའི་ཚེ་བྱང་ཆུབ་སེམས་དཔའ་གློག་ཐོབ་ཅེས་བྱ་བས་འཁོར་མང་པོ་རབ་ཏུ་ཞི་ཞིང་ཡོངས་སུ་དག་པ་དག་འདུས་པར་གྱུར་པ་མཐོང་བ་དང་། སྟན་ལས་ལངས་ཏེ་བླ་གོས་ཕྲག
49a5 བ་གཅིག་ཏུ་ཟར་ནས། པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ
49a6 ལྡན་འདས་བདག་ལ་ཐེ་ཙོམ་ཅུང་ཟད་ཅིག་མཆིས་ཏེ་དེང་ཞུ་བར་འཚལ་ན། དེ་བཞིན་གཤེགས་པས་ཐུགས་རྗེས་གསན་ཅིང་གནང་བར་མཛད་དུ་གསོལ། དེ་ནས་བཅོམ་ལྡན་འདས་ཀྱི།
49a7 བྱང་ཆུབ་སེམས་དཔའ་གྲོག་ཐོབ་ལ་བཀའ་སྩལ་པ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་ཁྱོད་ལ་སྐབས་ཕྱེས། ཁྱོད་ཅིངང་ཅི་འདོད་པ་དྲིས་ཤིག་དང་། ཁྱོད་ལ་ཡང་དག་པར
iiif viewer powered by OpenSeadragon
