| e-texts navigator |
| Wylie |
390b1 པ་རྣམས་ནི་མི་རྡོག་པའི་སླད་དུའོ།། བྱང་ཆུབ་སེམས་དཔའ་གོམ་པ་འདོར་བ་དོན་ཡོད་ཀྱང་ཅང་མི་སྨྲ་བར་གྱུར་ཏོ།། དེ་ནས་ཚེ་དང་ལྡན་པ་རབ་འབྱོར་གྱིས། བྱང་ཆུབ་སེམས་དཔའ་དེ
390b2 ངག་ལ་འདྲི་སྐད་ཅེས་སྨྲས་སོ།། བསོད་སྙོམས་ཀྱི་ཕྱིར་གྲོང་ཁྱེར་དུ་འཇུག་པར་མི་བྱའི་སྐུར་འདོང་ངོ་།། དེ་ཅིའི་ཕྱིར་ཞེ་ན། དེང་བུ་མོ་དྲི་མ་མེད་ཀྱིས་བྱིན་པ་ལས་ཆོས་ཐོས་པ་གང་ཡིན་པ་དེ་ནི
390b3 མཁས་པའི་ཟས་ཡིན་པས་ཆོག་པར་འགྱུར་བའི་ཕྱིར་ཏེ། ཆོས་ཀྱི་ཟས་བཟའ་བར་བྱའོ།། དེ་ནས་བུ་མོ་དྲི་མ་མེད་ཀྱིས་བྱིན་པས། གནས་བརྟན་རབ་འབྱོར་ལ་འདྲི
390b4 སྐད་ཅེས་སྨྲས་སོ།། བཙུན་པ་རབ་འབྱོར་གང་ན་གདེག་པ་མེད་པ་དང་། གཞག་པ་མེད་པ་དེ་ལ་ཁྱོད་ཀྱིས་ཅི་ཞིག་བཙལ་བར་སེམས། བཙུན་པ་རབ་འབྱོར་དགེ་སྦྱོང་གི་ཚུལ་ནི་སྤྲོས་པ་མ་མཆིས་པ་ལགས་ཀྱི།
390b5 སྤྲོས་པ་ལ་དགའ་བ་ནི་མ་ལགས་སོ།། བཙུན་པ་རབ་འབྱོར་དགེ་སྦྱོང་གི་ཆོས་ནི་གནས་པ་མ་མཆིས་པ། གནས་པར་མི་དགྱི་བ་ལགས་ཏེ། འཕགས་པ་རྣམས་ཀྱི་སྤྱོད་ཡུལ་ནི་མི་འཁྲུགས་པ་ལགས
390b6 སོ།། རྣབམ་པོ་གཉིས་པ་སྟེ་ཐ་མའོ།། དེ་ནས་ཉན་ཐོས་ཆེན་པོ་བརྒྱད་པོ་དེ་དག་དང་། བྱང་ཆུབ་སེམས་དཔའ་བརྒྱད་པོ་དེ་དག་དང་། བྲམ་ཟེ་ལྔ་བརྒྱ
390b7 ཙམ་པོ་དེ་དག་དང་། བུ་མོ་དྲི་ས་མེད་ཀྱིས་བྱིན་པ་དང་། རྒྱལ་པོ་གསལ་རྒྱལ་དང་། དེ་ལས་གཞན་པ་སྐྱེ་བོ་ཕལ་པོ་ཆེ་རྣམས། བཅོམ་ལྡན་འདས་ག་ལ་བ་དེར་དོང་སྟེ་ཕྱིན་ནས། བཅོམ་ལྡན་འདས་ཀྱི
iiif viewer powered by OpenSeadragon
