| e-texts navigator |
| Wylie |
325a1 ལྔ་བརྒྱ་ཙམ་འདི་དག་གིས་ཆོས་ཀྱི་རྣམ་གྲངས་འདི་ཐོས་ནས་མི་སྐྱེ་བའི་ཆོས་ལ་བཟོད་པ་ཐོབ་སྟེ། ཀུན་དགའ་བོ་ཁྱིམ་བདག་འདི་དག་ཐམས་ཅད་ནི། སྔོན་གྱི་རྒྱལ་བ་ལ་ལྷག་པ
325a2 བྱ་བ་བྱས་པ། དགེ་བའི་རྩ་བ་བསྐྱེད་པ། སངས་རྒྱས་བྱེ་བ་ཁྲག་ཁྲིག་བརྒྱ་སྟོང་མང་པོ་ལ་བསྙེན་བཀུར་བྱས་པ་དག་སྟེ། ཁྱིམ་བདག་འདི་དག་འདི་ནས་ཤི་འཕོས་ནས། ནམ་དུའང་ངན་འགྲོ་ལོག་པར་ལྟུང་བ
325a3 འགྲོ་བར་མི་འགྱུར་ཞིང་། ཕྱིས་ཀྱང་ལྷ་དང་མི་རྣམས་ཀྱི་ནང་དུ་བདེ་བ་མྱོང་ནས།། མཐར་གྱིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བྱམས་པ་མཉེས་པར་བྱེད་ཅིང་།
325a4 ཐུགས་བྱུང་བར་མི་བྱེད་དེ། བསྟི་སྟང་བྱེད་པར་འགྱུར། བཙུན་པར་བྱེད་པར་འགྱུར། རིམ་གྲོ་བྱེད་པར་འགྱུར།། མཆོད་པ་བྱེད་པར་འགྱུར་རོ།། བསྐལ་པ་བཟང་པོ་པའི་སངས་རྒྱས་བཅོམ་ལྡན་འདས་ཐམས
325a5 ཅད་ཀྱང་མཉེས་པར་བྱེད་ཅིང་། ཐུགས་བྱུང་བར་མི་བྱེད་དེ། བསྟི་སྟང་བྱེད་པར་འགྱུར། བཙུན་པར་བྱེད་པར་འགྱུར། རིམ་གྲོ་བྱེད་པར་འགྱུར།། མཆོད་པ་བྱེད་པར་འགྱུར་རོ།། སངས་རྒྱས་བཅོམ་ལྡན་འདས
325a6 དེ་དག་ལས་ཆོས་ཀྱང་ཉན་པར་འགྱུར་ཏེ། ཐོས་ནས་ཀྱང་འཛིན་པར་འགྱུར། ཀུན་ཆུབ་པར་བྱེད་པར་འགྱུར།། གཞན་དག་ལའང་རྒྱ་ཆེར་རབ་ཏུ་སྟོན་པར་འགྱུར་རོ།། དེའི་འོག་ཏུ་བསྐལ་པ་ཉི་ཤུ་རྩ་ལྔ་ན
325a7 སངས་རྒྱས་ཀྱི་ཞིང་ཐ་དད་པ་དག་ཏུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་སྟེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་པདྨའི་དང།
iiif viewer powered by OpenSeadragon
