| e-texts navigator |
| Wylie |
324b1 དགའ་བོ་སྟན་ལས་ལངས་ཏེ། བླ་གྲོས་ཕྲག་པ་གཅིག་ཏུ་གཟར་ནས། པུས་མོ་གཡས་པའི་ལྟུ་ང་ས་ལ་གཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བདུད་ནས། བཅོམ་ལྡན
324b2 འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་རྒྱུ་མ་མཆིས་རྐྱེན་མ་མཆིས་པར་ནི་དེ་བཞིན་གཤེགས་པ་དམ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་འཛུམ་པ་མི་མཛད་ན།
324b3 འཛུམ་པ་མཛད་པའི་རྒྱུ་གང་ལགས། རྐྱེན་གང་ལགས། དེའི་ཚེ་ཚིགས་སུ་བཅད་པ་འདི་དག་ཀྱང་གསོལ་ཏོ།། རྒྱུ་མ་མཆིས་པར་རྣམ་འདྲེན་རྒྱལ་བ་མཆོག། སངས་རྒྱས་སྐྱོབ་པ་འཛུམ་པ་མི་སྟོན་ན།
324b4 ཅི་སླད་བཅོམ་ལྡན་ཁྱོད་ཀྱིས་འཛུམ་མཛད་པ།། འཇིག་རྟེན་ཕྲན་དགོངས་ཐུགས་བརྩེ་བདག་ལ་གསུངས།། ཁྱོད་ཀྱིས་ཅི་སྐད་དེ་རིང་འཛུམ་བསྟན་གསུངས།། བཀའ་མཆོད་མི་ལྡན་ནོར་མཆོག་སྦྱིན
324b5 མཛད་པ།། དབུལ་པོར་གྱུར་པ་ནོར་དང་ལྡན་པར་མཛོད།། འཇིག་རྟེན་ལྡོངས་ལ་མྱུར་དུ་མིག་ཀྱང་སྩོལ།། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས།། ཚེ་དང་ལྡན་པ
324b6 ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཁྱོད་ཀྱིས་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་ནས། དེ་བཞིན་གཤེགས་པའི་གན་དུ་ལྷགས་པའི་ཁྱིམ་བདག་ལྔ
324b7 བརྒྱ་ཙམ་འདི་དག་མཐོང་ངམ། གསོལ་པ། བཅོམ་ལྡན་འདས་མཐོང་ལགས་སོ།། བདེ་བར་གཤེགས་པ་མཐོང་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་ཁྱིམ་བདག
iiif viewer powered by OpenSeadragon
