| e-texts navigator |
| Wylie |
323a1 པོའི་རྩ།། སེམས་ལས་བྱུང་བ་རྣམས་ཀྱིས་རྟག་ཏུ་འབར།། མེ་མུར་འོབས་འདྲ་འཇིགས་པར་བྱེད་པ་ལ།། མཁས་པ་སུ་ཞིག་དེ་ལ་སྲེད་པ་སྐྱེད།། ཁྱིམ་གནས་བུ་དང་།
323a2 ཆུང་མའི་མྱ་ངན་བྱེད།། ཁྱིམ་གནས་དེ་བཞིན་ལོངས་སྤྱོད་མྱ་ངན་བྱེད།། ཉེས་པ་འདི་དང་གཞན་ཡང་དཔག་མེད་དེ།། དེ་ལྟས་ཁྱིམ་ནི་ཡོངས་སུ་སྤང་བར་བྱ།། འདྲེན་པ་རྣམས་ཀྱི་བསྟན་ལ་དགའ་བྱེད་པ།
323a3 མ་བརྟབ་མ་རྨོས་བདེ་དང་ཡིད་བདེའི་རྒྱུ།། སྡུག་བསྔལོ་མང་པོའི་རྩ་བ་ཁྱིམ་འདི་ལ།། བླུན་པོ་དགའ་ཡི་མཁས་པ་གཞར་མི་དགའ།། པགས་པ་ཆུ་རྒྱུས་ཤ་དང་རུས་པའི་ལུས།། འདི་ནི་ང་ཡི
323a4 ཆུང་མ་འདུ་ཤེས་བསྐྱེད།། བྱིས་པ་རྨོངས་པ་འདོད་ཆགས་སྐྱེད་པར་བྱེད།། བུད་མེད་སྒྱུ་མ་ལྟ་བུར་ཡོང་མ་ཤེས།། ཤེས་རབ་ལྡན་པས་ཁྱིམ་གྱི་ཉེས་རིག་ནས།། དེ་ཕྱིར་འདོད་པའི་དགའ་བ་ཀུན་སྦས་ཏེ།
323a5 ཆོས་ལ་སྨན་གྱི་འདུ་ཤེས་བཞག་བྱས་ནས།། མ་ཆགས་ཁྱིམ་ནས་མྱུར་དུ་འབྱུང་བར་བྱེད། དེ་ནས་ཁྱིམ་བདག་དཔའ་བྱིན་དང་། ཁྱིམ་བདག་ལྔ་བརྒྱ་ཙམ་དེ་དག་གིས་ཆོས་ཀྱི་རྣམ་གྲངས
323a6 འདི་ཟོས་ནས་མི་སྐྱེ་བའི་ཆོས་ལ་བཟོད་པ་ཐོབ་པར་འགྱུར་ཏོ།། དེ་དག་བཟོད་པ་ཐོབ་ནས་མཆོག་ཏུ་དགའ་བ་དང་མགུ་བར་གྱུར་ཏེ། དེའི་ཚེ་ཚིགས་སུ་བཅད་པ་འདི་དག་གསོལ་ཏོ།། སངས་རྒྱས
323a7 ཆོས་ལ་འདོད་གྱུར་ནས།། གང་དག་གིས་ནི་སེམས་བསྐྱེད་པ།། ཀྱེ་མ་རྙེད་པ་རྙེད་པ་ཆེ།། འདི་ནི་རྙེད་པ་ཀུན་གྱི་མཆོག། བྱང་ཆུབ་སེམས་ནི་དགའ་བ་སྟེ།། སེམས་ཅན་ཐམས་ཅད་བདེ་བགྱིད་པའི
iiif viewer powered by OpenSeadragon
