| e-texts navigator |
| Wylie |
319a1 ཆུབ་སེམས་དཔས་ལུས་བསྟི་སྟང་དང་གནོད་པ་མྱོང་བས་མི་བརྟན་པར་བརྟག་པར་བྱ། བྱང་ཆུབ་སེམས་དཔས་ལུས་ཆུ་ཀླུང་གི་རྒྱུན་བཞིན་དུ་གཞན་དང་གཞན་འབྱུང་བརྐྱེན
319a2 གཞན་དང་གཞན་དུ་བརྟག་པར་བྱ། བྱང་ཆུབ་སེམས་དཔས་ལུས་ཚུལ་བཞིན་མ་ཡིན་པ་རྣམ་པ་སྣ་ཚོགས་ཡིད་ལ་བྱེད་པའི་རྣམ་པར་རྟོག་པ་དག་གིས་ཡིད་ཀྱིས་སེམས་པ་ཡིན་པར་བརྟག་པར་བྱ།། བྱང་ཆུབ
319a3 སེམས་དཔས་ལུས་ཐ་མར་དུར་ཁྲོད་ལ་ཐུག་པས་བྱས་པ་མི་གཟེ་བར་བརྟག་པར་བྱ། བྱང་ཆུབ་སེམས་དཔས་ལུས་སྤྱད་ཀི་དང་། ཅེ་སྤྱང་དང་། ཁྱི་རྗེན་ཤ་ཟ་བ་གཞན་གྱི་ཟས་སུ་བརྟག་པར་བྱ། བྱང་ཆུབ
319a4 སེམས་དཔས་ལུས་རུས་པ་དང་རྒྱུས་པའི་འོག་རེས་སྦྲེལ་བས་འཁྲུལ་འཁོར་ལྟ་བུར་བརྟག་པར་བྱ།། བྱང་ཆུབ་སེམས་དཔས་ལུས་བཤང་བ་དང་། གཅི་བ་དང་། མཆིལ་མ་དང་། སྣབས་དང་། རྣག་དང་།
319a5 ཁྲག་གིས་ཡོངས་སུ་གང་བ་སྟེ། བལྟ་བའི་འོས་མ་ཡིན་པར་བརྟག་པར་བྱ།། བྱང་ཆུབ་སེམས་དཔས་ལུས་ཟས་དང་སྐོམ་ལས་བྱུང་བ་སྟེ། རང་གི་ཁ་ན་ལས་པས་ཡིན་པར་བརྟག་པར་བྱ། བྱང་ཆུབ
319a6 སེམས་དཔས་ལུས་མི་རྟག་སྟེ་ཤིན་ཏུ་ཟད་པའི་ཆོས་ཉིད་ཡིན་པས། དོན་མེད་པའི་གླག་བླ་གླགས་པར་བརྟག་པར་བྱ། བྱང་ཆུབ་སེམས་དཔས་ལུས་ཕྱིར་རྒོལ་བ་མང་པོ་འབྱུང་བས་དགྲ་ལྟ་བུར་བརྟག་པར་བྱ།
319a7 བྱང་ཆུབ་སེམས་དཔས་ལུས་ཡང་དང་ཡང་སྡུག་བསྔལ་མྱོང་བས་གསོད་པ་ལྟ་བུར་བརྟག་པར་བྱའོ།། བྱང་ཆུབ་སེམས་དཔས་ལུས་སྡུག་བསྔལ་གསུམ་གྱིས་གཙེས་ཏེ།། གསུམ་གང་ཞེ་ན། འདི་ལྟ་སྟེ།
iiif viewer powered by OpenSeadragon
