| e-texts navigator |
| Wylie |
313b1 ནན་ཏན་བྱེད་པ་རྙེད་པར་དཀའ། སེམས་ཅན་གང་དག་བྱས་པ་གཟོ་ཞིང་བྱས་པ་ཤེས་ལ། གང་དག་བྱས་པ་ཆུང་ངུའང་ཆུང་མི་གསོནན། མང་པོ་ལྟ་ཅི་སྨོས་ཏེ། དེ་དག་རྙེད་པར་དཀའ། དེ་བས་ཀྱང་སེམས་ཅན།
313b2 གང་དག་དེ་བཞིན་གཤེགས་པའི་བསྟན་པ་ལ་ཡིད་ཆེས་པ་དེ་དག་ཆེས་རྙེད་པར་དཀའ། དེ་བས་ཀྱང་སེམས་ཅན་གང་དག་དེ་བཞིན་གཤེགས་པའི་བསྟན་པ་ལ་ཡིད་ཆེས་ནས། ནན་ཏན་གྱིས་སྒྲུབ་པ་དེ་དག
313b3 ཆེས་རྙེད་པར་དཀའ། དེ་བས་ཀྱང་སེམས་ཅན་གང་དག་དེ་བཞིན་གཤེགས་པའི་བསྟན་པ་ལ་མཛེས་པ་དེ་དག་ཆེས་རྙེད་པར་དཀའ། འཁོར་བ་ལས་གྲོལ་བ་རྙེད་པར་དཀའ་ན། ཅིང་བདག་ཅག་ཉན་ཐོས་ཀྱི་ཐེག
313b4 པས་ཡོངས་སུ་མྱ་ངན་ལས་བཟླ་བར་བྱ་འམ། འོན་ཏེ་རང་སངས་རྒྱས་ཀྱི་ཐེབ་པས་སམ། འོན་ཏེ་ཐེག་པ་ཆེན་པོ་བླ་ན་མེད་པས་ཡོངས་སུ་མྱ་ངན་ལས་བཟླ་བར་བྱ་ཞེས་མཆིད་བགྱིས་སོ།། བཅོམ་ལྡན་འདས་དེག
313b5 ཚེ་ན་བདག་ཅག་ཐམས་ཅད་འདི་ལྟ་བུའི་རྟོག་པ་སྐྱེས་ཏེ། བདག་ཅག་ཐེག་པ་ཆེན་པོ་བླ་ན་མེད་པས་ཡོངས་སུ་མྱ་ངན་ལས་བཟླ་བར་བྱ་བ་ནི་མཆོག་ལགས་ཀྱི། ཉན་ཐོས་ཀྱི་ཐེག་པས་ནི་མ་ལགས། རང་སངས་རྒྱས
313b6 ཀྱི་ཐེག་པས་ནི་མ་ལགས་པ་སྙམ་བགྱིད་དེ། བཅོམ་ལྡན་འདས་བདག་ཅག་ཆོས་ཀྱི་སྐྱེས་འདི་དང་ཆས་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་ཐད་དུ་མཆིས་ན
313b7 བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འཚལ་བས་ཇི་ལྟར་བསླབ་པར་བགྱི། བདེ་བར་གཤེགས་པ་ཇི
iiif viewer powered by OpenSeadragon
